ފެބްރުއަރީ މަހުގެ ފުރަތަމަ ދެ ދުވަހުވެސް ދުވާލެއްގެ މައްޗަށް 9،000 އަށްވުރެ ގިނަ ފަތުރުވެރިން!

Read Time:3 Minute, 30 Second

(ފޮޓޯ ކްރެޑިޓްސް: ވަގުތު)

ފެބްރުއަރީ މަހުގެ ފުރަތަމަ ދެ ދުވަހުވެސް ދުވާލެއްގެ މައްޗަށް ރާއްޖެ އަންނަ ފަތުރުވެރިންގެ އަދަދު 9،000 އަށްވުރެ މައްޗަށް ޖެހިލައިފިއެވެ. ފަތުރުވެރިކަމާއި ބެހޭ ވުޒާާރާއިން އާއްމުކޮށްފައިވާ ތަފާސްހިސާބުތައް ދައްކާގޮތުން ރާއްޖެއަށް މިހާތަނަށް 233،457 ފަތުރުވެރިން އައިސްފައި ވެއެވެ. މިއީ މިދިޔަ އަހަރުގެ މި މުއްދަތާ އަޅާކިޔާއިރުު، %13.6 ކުރިއެރުމެކެވެ.

ފެބްރުއަރީ މަހުގެ ތަފާސްހިސާބުތައް ދައްކާގޮތުން ރާއްޖެއަށް ފުރަތަމަ ދެ ދުވަހު 18،593 ފަތުރުވެރިން އައިސްފައިވާ ކަމަށް ދައްކައެެވެ. މިއީ މިދިޔަ އަހަރުގެ އެ މުއްދަތާ އަޅާކިޔާއިރު، %41.1 ކުރިއެރުމެކެވެ. ތަފާސްހިސާބުތައް ދައްކާގޮތުން ފެބްރުއަރީ މަހުގެ ފުރަތަމަ ދުވަހު 9،495 ފަތުރުވެރިން އައިސްފައިވާއިރު، ދެވަނަ ދުވަހު 9،098 ފަތުރުވެރިން އައިސްފައި ވެއެވެ.

މިހާތަނަށް އެންމެ ގިނަ ފަތުރުވެރިން އައި 10 ގައުމު:

ޗައިނާ: 39،887 ފަތުރުވެރިން
ރަޝިއާ: 23،512 ފަތުރުވެރިން
އިޓަލީ: 22،162 ފަތުރުވެރިން
އިނގިރޭސިވިލާތް: 20،577 ފަތުރުވެރިން
ޖަރމަނީ: 13،653 ފަތުރުވެރިން
އިންޑިއާ: 10،832ފަތުރުވެރިން
ފްރާންސް: 7،911 ފަތުރުވެރިން
އެމެރިކާ: 7،002 ފަތުރުވެރިން
ޕޮލޭންޑް: 4،998 ފަތުރުވެރިން
އޮސްޓްރިއާ: 4،171 ފަތުރުވެރިން

ތަފާސްހިސާބުތަކުން ދައްްކާގޮތުންއައި ފަތުރުވެރިންގެ 163،190 ފަތުރުވެރިން އައިސްފައިވަނީ ރިސޯޓުތަކަށެވެ. 58،817 މީހަކު ގެސްޓް ހައުސްތަކުގައި މަޑުކުރި އިރު ހޮޓަލްތަކުގައި މަޑުކުރީ 5،884 މީހެކެވެ. ފަތުރުވެރި އުޅަނދުތަކުގައި 5،479 މީހަކު މަޑުކުރިއެވެ.

ފަތުރުވެރިން ރާއްޖެ ގެނައުމަށް މީގެ ކުރިން ސަރުކާރުން ގިނަ މަސައްކަތްތަކެއް ކޮށްފައިވާއިރު، ފަތުރުވެރިކަމުގެ ދާއިރާ އިން އެކިއެކި ރިކޯޑުތައް ވަނީ ހާސިލްކޮށްފައެވެ. އަދި ދުނިޔޭގެ ފެންވަރުގެ ޓްރެވެލް އެވޯޑް ޝޯތަކުގެ ރާއްޖޭގެ ރިސޯޓުތަކަށް އަބަދުވެސް ރަން ވަނަތައް ދަނީ ލިބެމުންނެވެ.