Read Time:2 Minute, 24 Second
(ފޮޓޯ ކްރެޑިޓްސް: ވަގުތު)
ކެންސަރު ބަލި ޖެހުމަށް މެދުވެރިވާ އެންމެ ބޮޑު އެއް ސަބަބަކީ ދުންފަތުގެ އިސްތިއުމާލު ކުރުމުން ކަމަށާއި، ދުނިޔޭގެ ކެންސަރު ބަލީގެ ދުވަހުގައި މި ނުބައި އާދައިން ދުރުވުމަށް އަޒުމް ކަނޑައެޅުމަށް ރައީސް ޑރ. މުހައްމަދު މުއިއްޒު އިލްތިމާސް ކުރައްވަައިފިއެވެ. ދުނިޔޭގެ ކެންސަރު ބަަލީގެ ދުވަހަކީ މިއަދެވެ.
މި ދުވަހާއި ގުޅުވައިގެން ރައީސް އެކްސްގައި މިފަދަ ޕޯސްޓެއް ކުރައްވާފައިވާއިރު، މި ސަރުކާރުން ވަނީ ދުންފަތާއި ދެކޮޅަށް ފިޔަވަޅުތަކެއް އަޅައިފައެވެ. މިގޮތުން ރާއްޖެ އަށް ވޭޕް އެތެރެ ކުރުމާއި ބޭނުންކުރުން މަނާކުރަން މި ސަރުކާރުން ވަނީ ނިންމަވާފައެވެ. އަދި ރައީސް ޑރ. މުއިއްޒު ވަނީ ސިނގިރޭޓާއި ބިޑިއަށް ނަގާ އިމްޕޯޓް ޑިއުޓީގެ ސްޕެސިފިކް ރޭޓް ތިން ރުފިޔާއިން އަށް ރުފިޔާއަށް ބޮޑުކޮށް ދުންފަތުން ނަގާ އެޑްވަލޮރަމް ރޭޓް %50 މަތި ކުރަން ގާނޫނަކުން ފާސްވެސް ކޮށްފައި ވެއެވެ.
މި ފިޔަވަޅުތަކާއެކު ދުންފަތުގެ އިސްތިއުމާލް ކުރުމުގެ މައްސަލައަށް ދާއިމީ ހައްލެއް ހޯދުމަށް ފިޔަވަހިތަކަކަށް ބަހާލައިގެން ކުރިއަށް އޮތް ހަތަރު އަހަރުގެ ތެރޭގައި ފާހަގަކުރެވޭ ރަނގަޅު ނަތީޖާއެއް ހާސިލް ކުރެވޭނެ ރިއަލިސްޓިކް މާސްޓާ ޕްލޭނެއްވެސް އެކުލަވާލުމަށް ރައީސް ޑރ. މުއިއްޒު ނިންމަވާފައި ވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0