Read Time:2 Minute, 54 Second
(ފޮޓޯ ކްރެޑިޓްސް: ވަގުތު)
ހއ. މުރައިދޫގައި އެޅުމަށް ހަމަޖެހިފައިވާ ޕޮލިސް ސްޓޭޝަން އިމާރާތުގެ ބިންގާ އަޅައިފިއެވެ. އެ އިމާރާތުގެ ބިންގާ އަޅާފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ހއ. އަތޮޅަށް ކުރައްވަމުން ގެންދަވާ ދަތުރުފުޅުގައި މިއަދު އެރަށަށް ވަޑައިގެން ބޭއްވި ޚާއްސަ ރަސްމިއްޔާތެއްގައެވެ. އެ ރަސްމިއްޔާތުގައި ޕޮލިސް ސްޓޭޝަންގެ ބިންގާ އަޅުއްވައިދެއްވީ ހޯމް މިނިސްޓަރ، އަލީ އިހުސާނެވެ.
ރައީސް ޑރ މުއިއްޒުވެސް ބައިވެރިވެވަޑައިގަތް މި ރަސްމިއްޔާތުގައި ދައުލަތުގެ ބައެއް ވުޒާރާތަކުގެ ވަޒީރުންނާއި، ރައްޔިތުންގެ މަޖިލީހުގެ ބާރަށުގެ ދާއިރާގެ މެމްބަރު، އިބްރާހިމް ޝުޖާއު އާއި މުރައިދޫ ކައުންސިލްގެ މެމްބަރުންނާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ މެމްބަރުންނާއި، އެރަށުގެ މުއައްސަސާތަކުގެ ވެރިންނާއި ގިނަ އަދަދެއްގެ އާންމު ރައްޔިތުން ބައިވެރިވެވަޑައިގެންނެވިއެވެ. 2023 ވަނަ އަހަރުގެ ނޮވެމްބަރު 17 ވަނަ ދުވަހު ރައީސް މުއިއްޒު ހުވާކުރެއްވިއިރު ރާއްޖޭގައި އެއްވެސް ވަރަކަށް ފުލުހުންގެ ހިދުމަތް ގާއިމްނުކުރެވި 72 ރަށެއް އޮތެވެ. އޭގެ ތެރެއިން 25އަށް ވުރެ ގިނަ ރަށުގައި މިހާރު ވަނީ ފުލުހުންގެ ހިދުމަތް ގާއިމްކޮށްފައެވެ.
އިތުރު ރަށްރަށުގައި ފުލުހުންގެ ހިދުމަތް ގާއިމްކުރުމުގެ މަސައްކަތް ރައީސް ޑރ. މުހައްމަދު މުއިއްޒުގެ ސަރުކާރުން ގެންދަނީ ކުރައްވަމުންނެވެ. އޭގެ އިތުރުން، 115 ރަށެއްގައި ހުރި ފުލުހުންގެ ޕޯސްޓުތަކުގެ މަރާމާތުގެ މަސައްކަތް ވެސް ވަކި ތަރުތީބެއްގެ ދަށުން ދަނީ ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0