Read Time:2 Minute, 14 Second
(ފޮޓޯ ކްރެޑިޓްސް: ފޮރިން މިނިސްޓްރީ)
މޮރޮކޯ އާއި ރާއްޖޭގެ ރަހުމަތްތެރިކަމުގެ ގުޅުން އިތުރަށް ވަރުގަދަ ކުރުމަށް ފޮރިން މިނިސްޓަރު ޑރ އަބްދުﷲ ހަލީލް އާއި މޮރޮކޯއިން ރާއްްޖެއަށް ކަނޑައަޅާފައިވާ ސަފީރު މުހައްމަދު މަލިކީ މަޝްވަރާ ކުރައްވައިފިއެވެ. މިނިސްޓަރު ހަލީލް މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ މޮރޮކޯއިން ރާއްޖެއަށް ކަނޑައަޅުއްވާފައިވާ ސަފީރާ ބައްދަލުވުމަކީ ލިބިވަޑައިގަންނަވާ ވަރަށް ބޮޑު އުފަލެއް ކަމަށެވެ.
އެ ބައްދަލުވުމުގެ ތެރެއިން ދެ ގައުމުގެ މެދުގައި އިސްތިރާޖީ ގުޅުމާއި އިގްތިސޯދީ ގުޅުން އިތުރަށް ވަރުގަދަ ކުރުމަށް މަޝްވަރާކުރެވުނު ކަމަށް ވިދާޅުވިއެވެ. އަދި ދެ ގައުމުގެ ރަހުމަތްތެރިކަން އިތުރަށް ވަރުގަދަ ކުރުމަށް ވެސް މަޝްވަރާތައް ކުރެވުނު ކަމަށް ވިދާޅުވިއެވެ. ރައީސް ޑރ. މުހައްމަދު މުއިއްޒު ވެރިކަމަށް ވަޑައިގަތުމަށް ފަހުގައި ގެންދަވަނީ އެކި ގައުމުތަކާއިއެކުގައި ގުޅުން ބަދަހިކޮށް ދެ ގައުމުގެ ރައްޔިތުންނަށް މަންފާވާނެ އެކި ދާއިރާތަކުން އެކުގައި މަސައްކަތް ކުރައްވަމުންނެވެ.
ދިވެހިރާއްޖެއާއި މޮރޮކޯއާއި ދެމެދު ސިޔާސީ ގުޅުން ގާއިމުކުރީ 4 ފެބްރުއަރީ 1988 ވަނަ އަހަރުގައެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0