Read Time:3 Minute, 34 Second
(ފޮޓޯ ކްރެޑިޓްސް: އޭސީސީ)
އެންޓި ކޮރަޕްޝަން ކޮމިޝަނާއި ގުޅޭގޮތުން ތިނަދޫ ސިޓީ ކައުންސިލުން ފަތުރަމުންދަނީ ދޮގު ވާހަކަތަކެއް ކަމަށާއި އެ ކައުންސިލަށް ގޮސް ލިޔެކިއުންތައް ހޯދީ ހުރިހާ އިޖުރާއަތްތަކެއް ފުރިހަމަކުރުމަށް ފަހުގައި ކަމަށް އޭސީސީއިން ވިދާޅުވެއްޖެއެވެ. ތިނަދޫ ސިޓީ ކައުންސިލުން މިއަދު ސޯޝަލް މީޑިއާގައި ކޮށްފައިވާ ޕޯސްޓެއްގައި ބުނެފައިވަނީ އޭސީސީގެ ނަމުގައި އައި ބަޔަކު ކައުންސިލް އިދާރާގެ ގިނަ އަދަދެއްގެ ތަކެތި ވަގަށް ނަގާފައިވާ ކަމަށެވެ. އަދި މި މައްސަލަ ފުލުހުންނަށް ރިޕޯޓުކޮށްފައިވާ ކަމަށާއި، މި ހާދިސާއާ ގުޅިގެން ކައުންސިލްގެ ބައެއް ޚިދުމަތްތައް މެދުކެނޑިފައިވާ ކަމަށްވެސް ކައުންސިލުން ބުނެފައިވެއެވެ.
އެ މައްސަލައާއި ގުޅިގެން އޭސީސީއިން ނެރުނު ބަޔާނެއްގައި ވިދާޅުވީ ތިނަދޫ ކައުންސިލާއި ގުޅޭގޮތުން އޭސީސީއިން ތަހުގީގުކުރަމުންދާ މައްސަލަތަކާއި ގުޅިގެން އިއްޔެ ވަނީ އެ ކޮމިޝަންގެ ޓީމެއް ތިނަދޫ ސިޓީ ކައުންސިލްގައި ހަރަކާތްތެރިވެފައި ކަމަށެވެ. އެގޮތުން ކޮމިޝަނަށް ހުށަހެޅިފައިވާ މައްސަލައަކާއި ގުޅޭގޮތުން ތަހުގީގަށް ބޭނުންވާ ލިޔެކިޔުން ހޯދުމުގެ މަސައްކަތްވަނީކޮށްފައިވީ ނަމަވެސް އެކަމުގައި ކައުންސިލްގެ ފުރިހަަމަ އެއްބާރުލުން ކޮމިޝަނަށް ލިބިފައިނުވާކަން އޭސީސީއިން ފާހަގަކުރެ އެވެ.
” ގާނޫނު އަސާސީއާއި އެންޓި ކޮރަޕްޝަން ކޮމިޝަންގެ ގާނޫނުގެ ދަށުން އަދި މި ކޮމިޝަންގެ ގާނޫނީ އިމުގެ ތެރެއިން އެންމެހާ އިޖުރާއަތްތައް ފުރިހަމަކުރުމަށް ފަހު އޭސީސީއިން ތަހުގީގަށް ބޭނުންވާ ލިޔެކިޔުންތައް ވަނީ ހޯދާފައި.” އޭސީސީއިން ވިދާޅުވެއެވެ. އޭސީސީއިން ވިދާޅުވީ އެކަމާއި ގުޅޭގޮތުން ކައުންސިލުން ހާލަކޮށްފައިވާ މައުލޫމާތަކީ ދޮގު ވާހަތަކެއް ކަމަށެވެ، އަދި އޭސީސީއާއި ގުޅޭގޮތުން ފަތުރަމުންދާ ހަގީގަތާ ހިލާފު މައުލޫމާތަކީ ބަލައިގަނެވޭނެ ކަމެއް ނޫންކަމަށާއި އެކަމާއި މެދު އިންތިހާއަށް ކަންބޮޑުވާ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0