Read Time:3 Minute, 2 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖެ އާއި އިންޑިއާގެ ގާތް ރަހުމަތްތެރިކަމުގެ ގުޅުން އަބަދުވެސް ދަމަހައްޓަވާނެ ކަމުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. އިންޑިއާގެ ޖުމުހޫރީ ދުވަހާއި ގުޅިގެން ރައީސް އެކްސްގައި ކުރެއްވި ޕޯސްޓެއްގައި އެމަނިކުފާނު ވަނީ ދުވަހުގެ ތަހުނިޔާ އެ ގައުމުގެ ރައީސް ދްރޯޕަތީ މުރުމޫ އާއި ބޮޑުވަޒީރު ނަރެންދްރަ މޯދީއަށާއި އިންޑިއާގެ ރައްޔިތުންނަށް ވިދާޅުވެފައެވެ. އެ ޕޯސްޓުގައި ރައީސް ވިދާޅުވީ އިންޑިއާއިއެކު އޮންނަ ގާތް ރަހުމަތްތެރިކަމުގެ ގުޅުމާއި އެ ގައުމުން ރާއްޖެއަށް ދެމުންދާ އެއްބާލުރުން އަބަދުވެސް އަގުވަޒަން ކުރައްވާނެ ކަމަށެވެ.
” ދެ ގައުމުގެ ގުޅުން ބިނާ ވެގެން ވަނީ އިތުބާރާއި އިހުތިރާމުގެ މައްޗަށް. އަދި މި ގުޅުން ވަނީ ވަގުތުގެ އިމްތިހާންތަކުގެ މަތީގައި ވެސް ސާބިތުކަން ދައްކާފަ.” ރައީސް ވިދާޅުވިއެވެ. ރައީސް ވިދާޅުވީ އިންޑިއާއިއެކު އޮތް ގުޅުން އިތުރަށް ވަރުގަދަ ކުރުމަށް މަސައްކަތް ކުރައްވާނެ ކަމަށާއި އަދި ދެ ގައުމުގެ ރައްޔިތުންނަސް ދިމާވެފައިވާ އުނދަގޫތަކާއި ރައްޔިތުންނަށް ފައިދާ ވާނެ ކަންކަމުގައި އަބަދުވެސް އެކުގައި މަސައްކަތް ކުރައްވާނެ ކަމަށް ރައީސް ވިދާޅުވިއެވެ.
ރައީސް މުއިއްޒު ވެރިކަމާއި ހަވާލުވެވަޑައިގެން ފުރަތަމަ ކޮޅުގައި އިންޑިއާ އާއި ރާއްޖޭގެ ގުޅުން ހީނަރުވެގެން ދިޔައެވެ. ނަމަވެސް ރައީސް އިންޑިއާއަށް ކުރެއްވި ދަތުރުފުޅަށް ފަހުގައި ދެ ގައުމުގެ ގުޅުން އަނެއްކާ ވެސް ވަނީ ރަނގަޅުވެފައެވެ. ސަރުކާރުން ގެންދަނީ އިންޑިއާއިއެކު ގުޅުން އިތުރަށް ބަދަހިކުރުމަށް މަސައްކަތް ކުރައްވަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0