Read Time:3 Minute, 47 Second
ފުލުހުންގެ ފްލެޓް އެޅުމަށް މީގެ 12 އަހަރު ކުރިން ސަރުކާރުން ޕޮލިސް ކޯޕަރޭޓިވް ސޮސައިޓީ (ޕޮލްކޯ)އާ ހާވަލުކުރުމުން ދައުލަތަށް 354.7 މިލިއަން ރުފިޔާ ގެއްލުން ވެފައިވާ ކަމަށް އޮޑިޓް ރިޕޯޓުން ދައްކައިފިއެވެ. ފުލުހުންނަށް ހާއްސަ އެ ފްލެޓް އެޅުމަށް ޕްލްކޯއާއި ސަރުކާރުން ހަވާލުކޮށްފައިވަނީ 2013 ވަނަ އަހަރުގައެވެ. އޮޑިޓް ރިޕޯޓްގައި ވާގޮތުން އެ މަޝްރޫއު އޮޑިޓްކުރި ތާރީހުގެ ނިޔަލަށް ޖުމުލަ 1.06 ބިލިއަން ރުފިޔާ އެ މަޝްރޫއަށް ހަރަދުކޮށްފައިވެއެވެ. މާލީ ވުޒާރާގެ ޓެންޑާ އިވެލުއޭޝަން ބޯޑުން ހޯދި މައުލޫމާތުތަކަށް ބަލާއިރު އާންމު ގޮތެއްގައި ކޮންސްޓްރަކްޝަން މަސައްކަތް ކޮށްދޭ އަމިއްލަ ކުންފުނިތަކުން އަކަފޫޓަކަށް 1،300 ރުފިޔާއާއި 1،500 ރުފިޔާއާ ދެމެދުގެ އަގެއްގައި އެ ފަދަ ކޮންސްޓްރަކްޝަން މަސައްކަތް ކޮށްދޭނެ ކަމަށް އޮޑިޓް ރިޕޯޓްގައި ވިދާޅުވެފައިވެއެވެ.
“އެ ރޭޓުތަކަށް ބަލާނަމަ، އެ މަޝްރޫއުގެ އަގަށް ޖެހެނީ 745.3 މިލިއަން ރުފިޔާ. އެންމެ ބޮޑުވެގެން ވެސް 859.9 މިލިއަން ރުފިޔާއަށް އެ މަޝްރޫއު ނިންމާލެވޭނެ.” އޮޑިޓް ރިޕޯޓްގައި ވިދާޅުވެފައިވެއެވެ. އެ ރިޕޯޓްގައި ވިދާޅުވެފައިވަނީ ފުލުހުންގެ ފްލެޓްގެ މަޝްރޫއަށް 240.1 މިލިއަން ރުފިޔާއާއި 354.7 މިލިއަން ރުފިޔާއާ ދެމެދުގެ އަދަދެއް އިތުރަށް ހަރަދުކޮށްފައިވާކަން ފާހަގަކުރެވިފައިވާ ކަމަށެވެ. އަދި އެ ވަރަށް ހަރަދުވީ ޕޮލްކޯގެ ނާގާބިލްކަމުގެ ސަބަބުން ކަމަށާއި އެ ފައިސާ ގެއްލެން މެދުވެރިވި ސަބަބުތަކުގެ ތެރޭގައި ކޮރަޕްޝަނަށް ވެސް ޝައްކުކުރެވޭ ކަންތައްތަކެއް ހުރި ކަމަށް އޮޑިޓް ރިޕޯޓްގައިވެއެވެ.
އޮޑިޓް ރިޕޯޓްގައި ވިދާޅުވެފައިވަނީ އެ މަސައްކަތަށް ދެގުނަ ހަރަދުކޮށްފައިވުމުން އެކަމުން ދައްކައިދެނީ އެފަދަ ބޮޑެތި ޕްރޮޖެކްޓްތައް ހިންގުމުގެ ފަންނީ ގާބިލުކަން ޕޮލްކޯގައި ނެތްކަން ކަމަށެވެ. އަދި ކޮންޓްރެކްޓަރުންނަށް ފައިދާވާ ގޮތަށް އެއްބަސްވުމަށް ބަދަލު ގެނެސްފައިވުމާއި، ފްރޯޑާއި ކޮރަޕްޝަންގެ އަމަލުތަކަށް ޝައްކުކުރެވޭ ކަންތައްތަކެއް ހިނގާފައިވާ ކަމަށް ވެސް އެ ރިޕޯޓްގައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0