Read Time:2 Minute, 51 Second
މާލޭގެ ގެއެއްގެ ފަސްވަނަ ބުރިން ކުޑަކުއްޖަކު ނުވެއްޓި ކިރިޔާ ސަލާމަތްވާ މަންޒަރު ފެންނަ ވީޑިއޯއެއް ދައުރުވާން ފަށައިފިއެވެ. މީސްމީޑިއާގައި މިހާރު ދައުރުވަމުންދާ ވީޑިއޯއިން ފެންނަނީ ގެއެއްގެ ފަސްވަނަ ފަންގިފިލާގައި ހުޅުވާފައި ހުރި ކުޑަދޮރެއްގެ މަތީގައި އިށީނދެގެން އިން ކުޑަކުއްޖަކު އެ ދޮރުން ތިރިއަށް ފައިބަން މަސައްކަތްކުރާ މަންޒަރެވެ. ދެފައި އެއްކޮށް ކުޑަދޮރުން ބޭރަށް އެލުވާލާ މަންޒަރުވެސް ވީޑިއޯއިން ފެނެ އެވެ.
މަގުމައްޗަށްވާ ގޮތަށް ހުރި އެ ދޮރުން ކުއްޖާ ފައިބަން އުޅޭ މަންޒަރު ފެންނަ ވީޑިއޯގައި މަގުމަތީގައި ތިބި ގިނަ ބަޔަކު ކުއްޖާއަށް ގޮވައި އެތެރެއަށް ވަނުމަށް ބުނެ ގޮވާ އަޑުވެސް ގަދައަށް ހުއްޓެވެ. އެކުއްޖާ ދެތިން ފަހަރެއްގެ މަތިން ކުޑަދޮރުން ތިރިއަށް ފައިބަން މަސައްކަތްކުރިތަން ވީޑިއޯގައި ފެނިގެން ދިޔައިރު، ގޭތެރެއިން ބޮޑު މީހެއްގެ ހިލަމެއް ނުވެއެވެ. އެހެން ނަމަވެސް އެތެރެއިން އައި މީހަކު ވަނީ ކުއްލިއަކަށް ކުއްޖާ ނަގައި އެތެރެއަށް ވައްދާފައެވެ. އާންމުކޮށް ކުޑަކުދިން އުޅޭ އިރު ގޭގޭގެ ކުޑަދޮރުތަކާއި ބެލްކަނީތަކުގައި ތަޅުއަޅުވާފައި ބެހެއްޓުމާއި، ބޮޑުމީހެއްގެ ހާޒިރުގައި ނޫނީ އެފަދަ ތަންތަނަށް ކައިރި ނުކުރުމަކީ ރައްކާތެރިކަމަށް އެޅިދާނެ ފިޔަވަޅެކެވެ.
ކުޑަކުދިންނަށް ރައްކާތެރި މާހައުލެއް ގާއިމްކޮށްދިނުމަކީ ބެލެނިވެރިންގެ ޒިންމާއަކަށްވާއިރު، މިފަދަ ނުރައްކާތަކަށް ކުދިން ހުށައެޅިގެންދާ މައްސަލަތަކަކީ މީގެ ކުރިން އިހުމާލުގެ މައްސަލަތަކުގައި ބެލެވިފައި ވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0