Read Time:2 Minute, 59 Second
(ފޮޓޯ ކްރެޑިޓްސް: ވަގުތު)
ރ. މާކުރަތުގައި އެޅުމަށް ހަމަޖެހިފައިވާ ޕޮލިސް ސްޓޭޝަނުގެ ބިންގާ އަޅައިފިއެވެ. އެ ޕޮލިސް ސްޓޭޝަނުގެ ބިންގާ އަޅާފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު އެއަތޮޅުގެ ރަށްތަކަށް ކުރައްވަމުން ގެންދަވާ ދަތުރުފުޅުގައި މިއަދު ހަވީރު އެރަށަށް ވަޑައިގެން ބޭއްވި ޚާއްސަ ރަސްމިއްޔާތެއްގައެވެ. އެ ރަސްމިއްޔާތުގައި ސްޓޭޝަންގެ ބިންގާ އަޅުއްވައިދެއްވީ ހޯމް މިނިސްޓަރު، އަލީ އިހުސާނެވެ. ރައީސް ޑރ. މުޙައްމަދު މުއިއްޒު ބައިވެރިވެވަޑައިގެންނެވި އެ ރަސްމިއްޔާތުގައި ދައުލަތުގެ ބައެއް ވުޒާރާތަކުގެ ވަޒީރުންނާއި، ރައްޔިތުންގެ މަޖިލީހުގެ އިނގުރައިދޫ ދާއިރާގެ މެމްބަރު އިބްރާހިމް ފަލާހާއި އިންނަމާދޫ ކައުންސިލްގެ މެމްބަރުންނާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ މެމްބަރުންނާއި، އިންނަމާދޫގެ މުއައްސަސާތަކުގެ ވެރިންނާއި، އެ ރަށުގެ ގިނަ އަދަދެއްގެ އާންމު ރައްޔިތުން ބައިވެރިވެވަޑައިގެންނެވިއެވެ.
2023 ވަނަ އަހަރުގެ ނޮވެމްބަރު 17 ވަނަ ދުވަހު ރައީސް މުއިއްޒު ހުވާކުރެއްވިއިރު ރާއްޖޭގައި އެއްވެސް ވަރަކަށް ފުލުހުންގެ ހިދުމަތް ގާއިމްނުކުރެވި 72 ރަށެއް އޮތެވެ. އޭގެ ތެރެއިން 25އަށް ވުރެ ގިނަ ރަށުގައި މިހާރު ވަނީ ފުލުހުންގެ ހިދުމަތް ގާއިމްކޮށްފައެވެ. އިތުރު ރަށްރަށުގައި ފުލުހުންގެ ހިދުމަތް ގާއިމްކުރުމުގެ މަސައްކަތް ރައީސް ޑރ. މުހައްމަދު މުއިއްޒުގެ ސަރުކާރުން ގެންދަނީ ކުރައްވަމުންނެވެ. އޭގެ އިތުރުން، 115 ރަށެއްގައި ހުރި ފުލުހުންގެ ޕޯސްޓުތަކުގެ މަރާމާތުގެ މަސައްކަތް ވެސް ވަކި ތަރުތީބެއްގެ ދަށުން ދަނީ ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0