Read Time:2 Minute, 46 Second
(ފޮޓޯ ކްރެޑިޓްސް: ވަގުތު)
ރ. އިންނަމާދޫގައި ފުލުހުންގެ މަރުކަޒުގެ ބިންގާ އަޅައިފިއެވެ. އިންނަމާދޫ ފުލުހުންގެ މަރުކަޒުގެ ބިންގާ އެޅުމަށް މިއަދު ހެނދުނު، އެ ރަށުގައި ބޭއްވި ހާއްސަ ރަސްމިއްޔާތުގައި، ބިންގާ އަޅުއްވައި ދެއްވީ ދާހިލީ ސަލާމަތާއި ފަންނިއްޔަތާ ބެހޭ ވަޒީރު އަލީ އިހްސާންއެވެ.
(ފޮޓޯ ކްރެޑިޓްސް: ވަގުތު)
ރައީސް ޑރ. މުޙައްމަދު މުއިއްޒު ބައިވެރިވެވަޑައިގެންނެވި އެ ރަސްމިއްޔާތުގައި ދައުލަތުގެ ބައެއް ވުޒާރާތަކުގެ ވަޒީރުންނާއި، ރައްޔިތުންގެ މަޖިލީހުގެ އިނގުރައިދޫ ދާއިރާގެ މެމްބަރު އިބްރާހިމް ފަލާހާއި އިންނަމާދޫ ކައުންސިލްގެ މެމްބަރުންނާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ މެމްބަރުންނާއި، އިންނަމާދޫގެ މުއައްސަސާތަކުގެ ވެރިންނާއި، އެ ރަށުގެ ގިނަ އަދަދެއްގެ އާންމު ރައްޔިތުން ބައިވެރިވެވަޑައިގެންނެވިއެވެ.
2023 ވަނަ އަހަރުގެ ނޮވެމްބަރު 17 ވަނަ ދުވަހު ރައީސް މުއިއްޒު ހުވާކުރެއްވިއިރު ރާއްޖޭގައި އެއްވެސް ވަރަކަށް ފުލުހުންގެ ހިދުމަތް ގާއިމްނުކުރެވި 72 ރަށެއް އޮތެވެ، އޭގެ ތެރެއިން 25އަށްވުރެ ގިނަ ރަށުގައި މިހާރު ވަނީ ފުލުހުންގެ ހިދުމަތް ގާއިމްކޮށްފައެވެ. އަދި އިތުރު ރަށްރަށުގައި ފުލުހުންގެ ހިދުމަތް ގާއިމްކުރުމުގެ މަސައްކަތް ރައީސް ޑރ. މުހައްމަދު މުއިއްޒުގެ ސަރުކާރުން ގެންދަނީ ކުރައްވަމުންނެވެ.
އޭގެ އިތުރުން، 115 ރަށެއްގައި ހުރި ފުލުހުންގެ ޕޯސްޓުތަކުގެ މަރާމާތުގެ މަސައްކަތް ވެސް ވަކި ތަރުތީބެއްގެ ދަށުން ދަނީ ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0