Read Time:3 Minute, 26 Second
(ފޮޓޯ ކްރެޑިޓްސް: ވަގުތު)
އެގްރިކަލްޗަރގެ އެކި ދާއިރާތަކުން ރާއްޖެއިން ބޭރުން މަތީ ތައުލީމު ހާސިލް ކުރުމުގެ ފުރުސަތުތަކެއް ދަނޑުވެރިކަމާއި ދިރޭތަކެއްޗާ ބެހޭ ވުޒާރާއިން ހުޅުވާލައިފިއެވެ. އެ ވުޒާރައިން ވިދާޅުވީ، މިއީ ދިވެހި ސަރުކާރާއި ވާރލްޑް ބޭންކާއި ގުޅިގެން ހިންގާ ޓްރާންސްފޯރމިންގ ފިޝަރީޒް މެނޭޖްމަންޓް އިން ސައުތު ވެސްޓް އިންޑިއަން އޯޝަން ރީޖަން އެންޑް މޯލްޑިވްސް ޕްރޮޖެކްޓް، ދަށުން ހުޅުވާލެވިފައިވާ ފުރުސަތުތަކެއް ކަމަށެވެ.
މާރސްޓާސް ޑިގްރީއަށް ފުރުސަތު ހުޅުވާލާފައިވަނީ،
ޕްރޮޓެކްޝަން / އެންޓޮމޮލޮޖީ / ޕްލާންޓް ޕެތޮލޮޖީ ދާއިރާއިން، 1 ފުރުސަތެވެ.
ބެޗްލާރސް ޑިގްރީ އަށް ފުރުސަތު ހުޅުވާލާފައިވަނީ
- އެގްރިކަލްޗަރަލް ސައިންސް އިން 1 ފުރުސަތު
- ވެޓެރިނަރީ/ ޒޫލޮޖީ/ އެނިމަލް ސައިންސް އިން 1 ފުރުސަތު
- އެގްރިކަލްޗަރ (ބޮޓަނީ އެންޑް އެންޓޮމޮލޮޖީ) އިން 1 ފުރުސަތު
- ނެޗުރަލް ރިސޯސް މެނޭޖްމަންޓް / ބެޗްލަރ އޮފް އިކޮނޮމިކްސް އިން 1 ފުރުސަތު
އެ ވުޒާރާއިން ވިދާޅުވީ، މިސްކޮލަރޝިޕްތަކަކުގެ ތެރެއިން މާރސްޓާސް ޑިގްރީއަށް ކިޔެވުމަށް ފުރުސަތު ލިބޭނީ ކޯހުގެ ދާއިރާއާއި ގުޅުންހުރި ދާއިރާއަކުން ބެޗްލަރސް ޑިގްރީ އެއް ހާސިލުކޮށްފައިވުމާއެކު ގުޅުންހުރި ދާއިރާއެއްގައި ދެ އަހަރު ދުވަހުގެ ތަޖުރިބާ ހާސިލުކޮށްފައިވާނަމައެވެ. އަދި ބެޗްލަރސް ޑިގްރީއަށް ކިޔެވުމުގެ ފުރުސަތު ލިބޭނީ ޖީސީއީ އޯލެވެލްގެ 05 މާއްދާއިން ‘ސީ’ އިން ފެށިގެން މަތީ ގްރޭޑެއް ހާސިލުކޮށްފައިވުމާއި، ޖީސީއީ އޭލެވެލްގެ 03 މާއްދާއިން ‘ސީ’ އިން ފެށިގެން މަތީ ގްރޭޑެއް ހާސިލްކޮށްފައިވާނަމައެވެ.
- އަދި ސްކޮލަރޝިޕް ލިބިއްޖެ ނަމަ އެކޯސް ފުރިހަމަކުރުމަށްފަހު އެ ވުޒާރާއި ހިދްމަތް ކުރުމަށް ބޮންޑުކުރެވޭނެއެވެ.
- މި ކޯސްތަކަށް ކިޔެވުމަށް އެ ވުޒާރާގައި މަސައްކަތްކުރަމުންގެންދާ މުވައްޒަފުންނަށް އިސްކަންދެވޭނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0