Read Time:3 Minute, 43 Second
(ފޮޓޯ ކްރެޑިޓްސް: ވަގުތު)
ރ. މަޑުއްވަރީގެ އިހްތިސާސްގެ ތެރޭގައި ރ. އުފުލަންދޫ އަދި ރ. މީދޫގެ އިހްތިސާސްގެ ތެރޭގައި ރ. ތާވަތާ ހިމެނުމަށް ރައީސް ޑރ. މުހައްމަދު މުއިއްޒު ނިންމަވައިފިއެވެ. ރ. އަތޮޅުގެ 11 ރަށަކަށް މިހާރު ކުރައްވަމުން ގެންދަވާ ދަތުރުފުޅުގައި މަޑުއްވަރީ އަށް ވަޑައިގެން އެ ރަށުގެ ރައްޔިތުންނާ ބައްދަލު ކުރައްވައި ވާހަކަފުޅު ދައްކަވަމުން ރައީސް ޑރ. މުއިއްޒު ވިދާޅުވީ މަޑުއްވަރީގައި ފައިބަރުގެ މަސައްކަތް ފަދަ އިގްތިސާދީ މަސައްކަތްތައް ކުރަމުންދާ ކަމަށެވެ.
މިގޮތަށް ރަށުގައި ހުރި ތަންތަން ރަށުން ބޭރަށް ބަދަލު ކުރުމަކީ ރަށުގެ ޖާގަ ވަރަށް ބޮޑަށް އިތުރު ކުރެވޭނެ ކަމެއް ކަމުގައި ރައީސް ޑރ. މުއިއްޒު ވިދާޅުވިއެވެ.
“ކެންސަރު ބަލިތައް ފަދަ ބަލިތައް އިތުރު ވަނީ ފައިބަރުގެ މަސައްކަތް ފަދަ ކަންކަން ކުރުން ކަމަށްވާތީ. މި ރަށުގައި އެކަމުގެ މައްސަލަ ބޮޑުކަން އަޅުގަނޑަށް އެނގިފައި އެބައޮތް،” ރައީސް ވިދާޅުވިއެވެ. ރައީސް ޑރ. މުއިއްޒު ވިދާޅުވި ގޮތުގައި މިކަންކަމަށް ހައްލު އަންނާނީ މާނަ ހުރި ހައްލެއް ގެނެސްގެންނެވެ. “އަޅުގަނޑު ތިޔަބޭފުޅުންނަށް ދަންނަވަން ބޭނުން ވަނީ ތިޔަބޭފުޅުންގެ މި ހުރި ހުރިހާ މައްސަލައެއް ހައްލު ކުރެވޭ ގޮތަށް އުފުލަންދޫ މި ރަށުގެ އިހްތިސާސްގެ ތެރޭގައި ހިމަނައި ދިނުމަށް އަޅުގަނޑު ނިންމި ވާހަކަ.” ރައީސް ޑރ. މުއިއްޒު ވިދާޅުވިއެވެ.
ރައީސް ވިދާޅުވީ އެކަމާ ގުޅޭ ގާނޫނީ ލިޔެކިޔުންތަކުގެ ކަންކަން ކުރިއަށް ގެންގޮސް އެކަން ހަމަޖެހިގެން ދާނެ ކަމަށެވެ. އެހެންކަމުން ރައްޔިތުން ދިރިއުޅޭ ސަރަހައްދެއްގައި ނުހިމެނޭ ހުރިހާ ކަމެއް އުފުލަންދޫއަށް ބަދަލު ކުރުމަކީ އެމަނިކުފާނު އެދިވަޑައިގަންނަވާ ކަމެއް ކަމަށް ރައީސް ވިދާޅުވިއެވެ. “އެކަން ކުރެވުނީމަ ބިން އިތުރު ކުރެވިގެން ދިޔައީ، ގޯތި ގެދޮރު، ހައުސިން މަޝްރޫއުތަކަށް ވެސް ޖާގަ އިތުރުވީ،” ރައީސް ޑރ. މުއިއްޒު ވިދާޅުވިއެވެ.
ރައީސް ޑރ. މުއިއްޒު ވަނީ މީދޫގެ އިހްތިސާސްގައި ރ. ތާވަތާ ހިމެނުމަށް ނިންމިކަން ވެސް މިއަދު އިއުލާން ކުރައްވައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0