Read Time:3 Minute, 20 Second
މޯލްޑިވްސް ބްރޯޑްކާސްޓިން ކޮމިޝަންގެ މެމްބަރު ކަމަށް ރައްޔިތުންގެ މަޖިލިހުގެ އިހަވަންދޫ ދާއިރާގެ ކުރީގެ މެމްބަރު މުހައްމަދު އަބްދުالله (މުހައްމާ) އާއި ބްރޮޑްކޮމްގެ ކުރީގެ މެމްބަރު އާމިނަތު ސަރާހަތު އިއްޒަތު އައްޔަންކޮށްފިއެވެ. ބްރޯޑްކާސްޓިން ކޮމިޝަނުން ރޭ ވަނީ އެ ދެ ބޭފުޅުން އެ މަގާމަށް އައްޔަނު ކޮށްފައިވާކަން އިއުލާންކޮށްފައެވެ. ބްރޯޑްކޮމްގެ ހުސްވެފައިވާ ދެ ޖާގައަށް މެންބަރުން ހޮވުމަށް ރައްޔިތުންގެ މަޖިލިހުގައި ވޯޓަށް އެހީ މި މަހުގެ 16 ގައެވެ. ސަރާހަތު ހޮވުމަށް ވޯޓަށް އެހުމުން ފެންނަ ކަމަށް 68 މެންބަރުން ވޯޓު ދެއްވާފައިވާއިރު، ނުފެންނަ ކަމަށް އެއްވެސް މެންބަރަކު ވޯޓު ދެއްވާފައެއް ނުވެއެވެ.
ދެވަނަ އަށް އެންމެ މަތިން މާކްސް ލިބުނު ނޫސްވެރިޔާ ޝިފްޒާ މުސްތަފާގެ ނަން ފާސްވެފައެއް ނުވެއެވެ. ޝިފްޒާ އައްޔަންކުރުމަށް ފެންނަ ކަމަށް 11 މެންބަރުން ވޯޓު ދެއްވާފައިވާއިރު، ނުފެންނަ ކަމަށް 50 މެންބަރުން ވޯޓުދެއްވިއެވެ. މުހަންމާ ބްރޮޑްކޮމްގެ މެންބަރު ކަމަށް ހޮވުމަށް ފެންނަ ކަމަށް 58 މެންބަރުން ވޯޓު ދެއްވިއިރު، ނުފެންނަ ކަމަށް ދެ މެންބަރަކު ވަނީ ވޯޓު ދެއްވާފައެވެ.
ބްރޯޑްކާސްޓިންގ ކޮމިޝަނަށް ދެ މެންބަރުން ޢައްޔަންކުރަން ޖެހުނީ އެ ކޮމިޝަނުގެ ރައީސް މަރިޔަމް ވަޙީދާ އާއި މެންބަރު އަލީ ޔޫސުފްގެ ދައުރު މިދިޔަ މަހުގެ ފަސް ވަނަ ދުވަހު ހަމަވުމާ ގުޅިގެންނެވެ. މި މަޤާމުތަކަށް ކުރިމަތިލުމަށް ހުޅުވާލުމުން ޝަރުތު ހަމަވާ 12 ބޭފުޅެއްގެ ނަން ރައީސް އިސްކަންދެއްވާ ތަރުތީބުން މަޖިލީހަށް ހުށަހެޅުއްވިއެވެ. އޭގެ ތެރޭގައި އެންމެ ކުރީގައި އޮތީ ރައްޔިތުންގެ މަޖިލީހުގެ ކުރީގެ މެންބަރު މުހައްމަދު އަބްދުﷲ (މުހަންމާ) އާއި އިބްރާހިމް މުއާޒްގެ ނަންފުޅެވެ. ނަމަވެސް ކޮމިޓީ މަރުހަލާފައި މުއާޒަށް މަތިން މާކްސް ލިބިފައެއް ނުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0