Read Time:4 Minute, 51 Second
(ފޮޓޯ ކްރެޑިޓްސް: ވަގުތު)
ރާއްޖޭގެ ސިއްހީ ހިދުމަތްދޭ ތަންތަނުގައި ދުނިޔޭގެ އެންމެ ފެންވަރު ރަނގަޅު ބްރޭންޑްތަކުގެ ވަސީލަތްތައް ބަހައްޓަން ނިންމާފައިވާ ކަމަށް ރައީސް މުހައްމަދު މުއިއްޒު މިއަދު ވިދާޅުވެއްޖެއެވެ. ރ. އަތޮޅުގެ 11 ރަކަށް މިއަދު ފެއްޓެވި ދަތުރުފުޅުގައި ހަވީރު ރ. އަނގޮޅިތީމަށް ވަޑައިގެން ރައްޔިތުންނާ ބައްދަލު ކުރައްވައި ވާހަކަފުޅު ދައްކަވަމުން ރައީސް ޑރ. މުއިއްޒު ވިދާޅުވީ މިދިޔަ ދައުރުގެ ތެރޭގައި އަޅާނުލެވި އޮތް ދެ ދާއިރާއަކީ ސިއްހީ ދާއިރާ އާއި ތައުލީމީ ދާއިރާ ކަމަށެވެ.
އެހެންވެ، މި އަހަރުގެ ބަޖެޓުގައި އެންމެ އިސްކަމެއް ދޭ އެއް ކަމަކީ ތައުލީމީ ދާއިރާ އާއި ސިއްހީ ދާއިރާ ރަނގަޅު ކުރުން ކަމަށް އެމަނިކުފާނު ވިދާޅުވިއެވެ.
(ފޮޓޯ ކްރެޑިޓްސް: ވަގުތު)
ރައީސް ވިދާޅުވީ ސިއްހީ މަރުކަޒުތަކުގައި ހުންނަ އިކުއިޕްމެންޓްތައް ނުހުއްޓި ހިންގޭނެ ގޮތަށް ކަންތައްތައް ރޭވުމުގެ މަސައްކަތްތައް މިހާރު ކުރަމުން އަންނަ ކަމަށެވެ. އެ އިކުއިޕްމެންޓުތައް ނުހުއްޓި ހިންގުމަށް ބޭނުންވާ ރީއެޖެންޓާއި އެހެން ވަސީލަތްތައް ވެސް ހުސްނުވެ ބަރާބަރަށް ލިބޭނެ ގޮތަށް ރާވާނެ ކަމަށް ރައީސް ވިދާޅުވިއެވެ. އެންމެ ކޮލިޓީ ބޭސް ބަލްކުކޮށް ގަނެގެން ގެނެސް އަގުހެޔޮކޮށް އާއްމުންނަށް ލިބޭ ގޮތް ހެދުމަށް ސަރުކާރުން ފަށާފައިވާ މަސައްކަތް ފާހަގަކުރައްވައި ރައީސް ޑރ. މުއިއްޒު ވިދާޅުވީ ހަމައެގޮތަށް ރަށްރަށުގެ ސިއްހީ މަރުކަޒުތަކާއި ހޮސްޕިޓަލުތަކުގައި ހުންނަ ވަސީލަތްތަކަކީ ވެސް ދުނިޔޭގެ އެންމެ ރަނގަޅު ބްރޭންޑުތަކުގެ ވަސީލަތްތަކަށް ހެދުމަށް ނިންމަވާފައިވާ ކަމަށެވެ.
(ފޮޓޯ ކްރެޑިޓްސް: ވަގުތު)
“އެއީ ވެސް ބަލްކް ޕްރޮކިއުމަންޓްގެ ތެރެއިން އެކީގައި ގިނަ އަދަދެއްގެ ރަށްރަށަށް ވާވަރަށް ގަނެގެން ގެނެސް ހަރުކޮށް އޭގެ ރީއެޖެންޓްސް، އެއަށް ބޭނުންވާ ވަސީލަތްތައް. ހިންގުމަށް ބޭނުންވާނެ ތަކެއްޗަކީ ވެސް ފަސޭހައިން ލިބޭނެ ތަކެތި އެކަހަލަ ބްރޭންޑުތައް ގެނައީމާ. އެގޮތަށް އެކަން ކުރަން ވާނީ ނިންމާފައި،” ރައީސް ވިދާޅުވިއެވެ. ރައީސް ވިދާޅުވި ގޮތުގައި ގިނަ ރަށްރަށުގައި މިހާރު ހުންނަ ބްރޭންޑްތަކުގެ މެޑިކަލް އިކުއިޕްމެންޓުތަކަށް ބޭނުންވާ ސްޕެއާ އާއި ވަސީލަތްތައް މާ ފަސޭހައަކުން ނުލިބެއެވެ.
“އެހެންވީމާ އެކަން އަބަދު ރަނގަޅުކުރަން ވެއްޖެއްޔާ ހިނގާ ހަރަދު ވަރަށް ބޮޑު. އެއްފަހަރުން ތަންކޮޅެއް ބޮޑު ހަރަދެއް ހިނގިޔަސް ކުރިއަށް އޮތްތަނަށް މެއިންޓެނެންސް އަށް ބަލާއިރު މާ ބޮޑުތަނުން ސޭވް ވާނެ، ކޮލެޓީ އަށް ބަލާއިރު މާބޮޑަށް ރައްޔިތުންނަށް ރަނގަޅު ހިދުމަތެއް ދެވޭ، ކޮލެޓީ ހިދުމަތެއް ދެވޭ ކޮލެޓީ މެޝިނަރީ ބްރޭންޑުތައް ގެނައީމާ،” ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0