Read Time:2 Minute, 21 Second
ރާއްޖެ އާއި އިންޑިއާގެ ގުޅުން އިތުރަށް ބަދަހި ކުރުމަށް އިންޑިއާއިން ރާއްޖެއަށް ކަނޑައަޅާފައިވާ އާ ސަފީރު ޖީ.ބާލާސުބްރަމަނިއަމް އާއި ހާރިޖީ ވަޒީރު އަބްދުﷲ ހަލީލް މަޝްވަރާ ކުރައްވައިފިއެވެ. ވަޒީރު ހަލީލް އެކްސްގައި ކުރެއްވި ޕޯސްޓެއްގައި ވިދާޅުވީ އިންޑިއާގެ އާ ސަފީރު ބަލާސުބްރަމަނިއަމްއަށް ރާއްޖެއަށް ހޫނު މަރުހަބާއެއް ކިޔާ ކަމަށެވެ. ސަފީރާއިއެކުގައި މިއަދު ވަރަށް ކާމިޔާބު ބައްދަލުވުމެއް ކުރިއަށް ގެންދެވުނު ކަމަށް ވަޒީރު ވިދާޅުވިއެވެ. އެ ބައްދަލުވުމުގައި ދެ ގައުމުގެ ތާރީހީ ގުޅުމާއި ގުޅޭގޮތުން މަޝްވަރާކުރެވިގެން ދިޔަ ކަމަށް ވަޒީރު ވިދާޅުވިއެވެ.
އަދި ދެ ގައުމުގެ ގުޅުން އިތުރަށް ވަރުގަދަކުރުމާއި ގުޅޭގޮތުން ވެސް މަޝްވަރާތައް ކުރިއަށް ގެންދިޔަ ކަމަށް ވިދާޅުވިއެވެ. ހަލީލް ވިދާޅުވީ އުންމީދަކީ ރާއްޖެ-އިންޑިއާ ގުޅުން ވަރުގަދަކަމާއިއެކު ކުރިއަށް ދިއުން ކަމަށެވެ. ރާއްޖޭގެ ސަފީރުކަމަށް ސުބްރަމާނިއަން އައްޔަނުކުރެއްވުމުގެ ކުރިން އޭނާ ހުންނެވީ އިންޑިއާއިން ނައިޖީރިއާ އަށް ކަނޑައެޅުއްވި ސަފީރުގެ މަގާމުގައެވެ. އިންޑިއާގެ ސަފީރުގެ ގޮތުގައި އެންމެ ފަހުން ރާއްޖޭގައި ހުންނެވީ މުނޫ މަހާވަރެވެ. އޭނާ އެ މަގާމަށް އައްޔަނުކުރެއްވީ 2021 ވަނަ އަހަރުގެ ފަހުކޮޅުއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0