Read Time:2 Minute, 47 Second
(ފޮޓޯ ކްރެޑިޓްސް: ވަގުތު)
ތެލެސީމިއާ ކުދިންގެ ތެރެއިން ހަ ކުއްޖަކު ސަރުކާރު ހަރަދުގައި ބޯންމެރޯ ފުރިހަމަ ކުރުމަށް ފަހު ރާއްޖެ އައިސްފައިވާ ކަމަށް މޯލްޑިވިއަން ބްލަޑް ސާވިސަސް އިން ވިދާޅުވެއްޖެއެވެ. މޯލްޑިވިއަން ބްލަޑް ސާވިސަސް އިން “އެކްސް”ގައި މިއަދު ކުރި ޕޯސްޓްގައިވާ ގޮތުން އެ ތަނުގެ އެހީތެރިކަމާއެކު ރާއްޖެއިން ބޭރުގައި ބޯންމެރޯ ޓްރާންސްޕްލާންޓް ކާމިޔާބުކަމާއެކު ހަ ކުއްޖަކު ހަދައި، އެނބުރި ރާއްޖެ އައިސްފައި ވާ ކަމަށެވެ. އަދި މިކަމުން ދައްކުވައިދެނީ ތެލެސީމިއާ ހުންނަ ކުދިންގެ އަޅާލުން އިތުރަށް ހަރުދަނާ ކުރުމަށް ދެމިތިބި ކަމުގެ ހެއްކެއް ކަމަށް އެ ޕޯސްޓުގައިވެއެވެ.
މި ސަރުކާރުން ބޯން މެރޯ ހެދުމަށް މިދިޔަ އަހަރު ތެރޭގައި 14 ކުދހިން ވަނީ ފޮނުވާފައެވެ. ސަރުކާރުން ނިންމަވާފައިވާ ގޮތުގައި، ޒަކާތު ފަންޑުގެ އެހީގައި ކޮންމެ އަހަރަކު 10 ކުދިން ބޯންމެރޯ ހެދުމަށް ރާއްޖެއިން ބޭރަށް ފޮނުވާނެއެވެ. މި ޕްރޮގްރާމްގެ ދަށުން މިއަހަރު ފޮނުވާ 10 ކުދިން ކަނޑައެޅުމުގެ މަސައްކަތް މިހާރު ވަނީ ފަށާފައެވެ. ބޯންމެރޯ ހަދަން އެދި ހުށަހަޅާފައިވާ ކުދިންގެ ތެރެއިން، ސިއްޙީ ޙާލަތު ތަންދޭ ކުދިން ދެނެގަތުމަށް ބޭނުންވާ ޓެސްޓުތައް ހެދުމުގެ މަސައްކަތް މިހާރު ދަނީ ކުރަމުންނެވެ.
މިއީ މިސަރުކާރުގެ 100 ވައުދުގެ ތެރޭގައި ހިމެނޭ ވައުދެކެވެ. ރައީސް ޑރ. މުހައްމަދު މުއިއްޒު ވައުދުވެވަޑައިގެންފައި ވަނީ ތެލެސީމިއާ ކުދިންނަށް ދެމެހެއްޓެނިވި ގޮތަށް ހިލޭ ބޯންމެރޯ ހެދޭ ގޮތް ހަމަޖައްސައި ދިނުމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
1
0