Read Time:3 Minute, 31 Second
(ފޮޓޯ ކްރެޑިޓްސް: ވަގުތު)
ހައުސިން މިނިސްޓްރީގައި ހިނގާދިޔަ އަލިފާނުގެ ހާދިސާގައި ގެއްލުން ލިބުނު ސާވާތައް ސިންގަޕޫރަށް ފޮނުވައިގެން ރިކަވާކުރެވޭތޯ ބަލަމުން އަންނަކަމަށް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތަލިބު ވިދާޅުވެއްޖެއެވެ. ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ނޫސްވެރިއަކު ކުރި ސުވާލަކަށް ޖަވާބުދެއްވަމުން ވަޒީރު ވިދާޅުވީ އަލިފާނުގެ ހާދިސާ ހިނގީ އުމަރު ޒާހިރު ބިލްޑިން އާއި އެހެން ތަންތަނުގައި ބެކްއަޕް ޑޭޓާތަކެއް ހެދުމަށް ސާވާ ސިސްޓަމްތަކެއް ގާއިމުކުރަމުންދަނިކޮށް ކަމަށާއި ހާދިސާ ހިނގިއިރު އެ ޕްރޮޖެކްޓް ނިމުމަކާ ހިސާބަށް ދާން ކައިރިވެފައިވާ ކަމަށެވެ.
“މިހާރު އެ ސާވާގެ ޑިސްކްތައް ރިކަވާކޮށްފައި, ސިންގަޕޫރަށް ފޮނުވައިގެން އޭތިން އަޅުގަނޑުމެންނަށް އެއްވެސް މައުލޫމާތެއް ރިކަވާ ކުރެވޭތޯ އެ މަސައްކަތް ކުރަމުން އެބަ ގެންދަން. އެހެންނަމަވެސް ފުދޭވަރަކަށް ބޮޑަށް އަލިފާނުގެ އަސަރުކޮށްފައިވަނީ،” މުއްތަލިބު ވިދާޅުވިއެވެ.
އަލިފާނުގެ ހާދިސާގެ ސަބަބުން ސާވާއަށް ލިބުނު ގެއްލުމާ ގުޅިގެން ގޯތި ލިސްޓާއި ފްލެޓް ލިސްޓާއި އޭގެ ފަހުން އިއުލާނުކުރެވިގެންދާ ލިސްޓަށްވެސް އެއްވެސް އަސަރެއް ނުކުރާނެ ކަމަށާއި ޕޯޓަލްތައް ހުރީ މައިކްރޯސޮފްޓް އެޒޫގައި ގާއިމުކޮށްފައި ކަމަށް ވަޒީރު ވިދާޅުވިއެވެ. މިދިޔަ ޑިސެމްބަރު މަހު 12 ވަނަ ދުވަހު ހައުސިން މިނިސްޓްރީ ހިމެނޭހެން ތިން މިނިސްޓްރީއެއްގައި ވަނީ އަލިފާން ރޯވެ ބޭނުން ނުކުރެވޭ ވަރަށް އަނދާފައެވެ.
މުއްތަލިބު ވިދާޅުވީ 2022 ވަނަ އަހަރުގެ މެދުތެރެއާ ހަމައަށް ހުރި ހުރިހާ މައުލޫމާތުތަކެއް ރައްކާކުރެވިފައި އެބަހުރި ކަމަށާއި އޭގެ ފަހުން ހުރި މައުލޫމާތު ރައްކާނުކުރެވި ހުރީ އޭރު ދައްކަމުން ދިޔަ ސަބްސްކްރިބްޝަން ފީތަކެއް ދެއްކުން ސަރުކާރުން ހުއްޓާލުމާ ގުޅިގެން ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0