Read Time:2 Minute, 24 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
އަންނަ ބުރާސްފަތި ދުވަހުގައި ރައްޔިތުންގެ މަޖިލީހުން ދައުރުން ބޭރުގައި ޖަލްސާއެއް ބޭއްވުމަށް ތާވަލްކޮށްފިއެވެ. މަޖިލީހުން އާންމުކޮށްފައިވާ އެޖެންޑާގައިވާ ގޮތުން ދައުރުން ބޭރުގައި ބާއްވާ ހާއްސަ ޖަލްސާ އޮންނާނީ މި މަހުގެ 16 ވަނަ ދުވަހުގެ ހެނދުނު 9:00ގައެވެ. އެ ޖަލްސާގައި ހިއުމަން ރައިޓްސް ކޮމިޝަންގެ ނައިބު ރައީސް އައްޔަންކުރުމަށް ރައީސް ޑރ. މުހައްމަދު މުއިއްޒު ފޮނުވާފައިވާ މައްސަލަ ދިރާސާކޮށް ގޮތެއް ނިންމުމަށް ދާއިމީ ކޮމީޓީއަށް ފޮނުވުން އެޖެންޑާ ކޮށްފައިވެއެވެ.
އަދި ވަޒީރުންގެ މަޖިލީހުގެ މެންބަރުންގެ ގޮތުގައި ރައީސް އައްޔަންކުރައްވާފައިވާ ހަތަރު ބޭފުޅެއްގެ ނަންފުޅަށް ރުހުން ހޯދުމަށްޓަކައި ކޮމިޓީއިން ފޮނުވުން ވެސް އެޖެންޑާގައިވެއެވެ. އޭގެ އިތުރުން އޭސީސީއަށް ދެ މެންބަރުން އައްޔަން ކުރުމަށްޓަކައި ރައީސް ފޮނުވާފައިވާ މައްސަލަ ދިރާސާކޮށް ގޮތެއް ނިންމުމަށް ކޮމިޓީއިން ފޮނުވުން ވެސް އޮންނާނެއެވެ. މަޖިލީހުގެ އެޖެންޑާގައިވާ ގޮތުގެ މަތިން އެ ދުވަހު ބްރޮޑްކޮމްއަށް ދެ މެންބަރަކު އައްޔަންކުރުމަށް ރައީސް ފޮނުވާފައިވާ ނަންތައް ފާސްކުރުމަށް ވޯޓަށް އަހާނެއެވެ. އަދި އީސީއަށް ދެ މެންބަރުން އައްޔަން ކުރުމަށް ވެސް ވޯޓަށް އަހާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0