Read Time:2 Minute, 46 Second
މޯލްޑިވިއަންގެ ފްލީޓަށް އިތުރުކުރި، ދުރު ރާސްތާ ދަތުރުކުރެވޭ އޭ330 މަރުކާރުގެ ވައިޑްބޮޑީ މަތިންދާބޯޓު އިފްތިތާހުކުރުމުގެ އުފަލުގައި އެކުންފުނިން ހަވީރެއް ބާއްވަން ނިންމައިފިއެވެ.
ގައުމީ އެއާލައިނުން ބުނި ގޮތުގައި މި ހަވީރު އޮންނާނީ ހޮނިހިރު ދުވަހުގެ ހަވީރު 16:00 އިން 18:00 އަށް، ހުޅުމާލެ ސެންޓްރަލް ޕާކުގައެވެ. މި ހަވީރުގައި މޯލްޑިވިއަންގެ މުވައްޒަފުންގެ ސްޓޯލްތަކުގައި ކުޅިވަރުގެ އެކި ހަރަކާތްތައް ހިމެނޭއިރު، އިނާމު ދިނުންވެސް އޮންނާނެ އެވެ. އަދި ލައިވް ޕަފޯމަންސާއި މުނިފޫހިފިލުމުގެ ހަރަކާތްތައްވެސް ކުރިއަށްދާނެ ކަމަށް އެކުންފުނިން ބުނެފައިވެއެވެ. ގައުމީ އެއާލައިނަށް ވައިޑްބޮޑީ އެއާކްރާފްޓް ގެނައުމަށް ވަޒީރުންގެ މަޖިލީހުން ނިންމީ 17 ޑިސެމްބަރު 2023 ވަނަ ދުވަހުގައެވެ. އަދި މިމަހު 2 ވަނަ ދުވަހު ރާއްޖޭގައި ފުރަތަމަ ފަހަރަށް އޭ330 މަރުކާގެ މަތިންދާބޯޓެއް ރަޖިސްޓްރީކުރެވިގެން ދިޔައެވެ. މިބޯޓު، މިމަހުގެ 6 ވަނަ ދުވަހު ވެލާނާ އިންޓަނޭޝަނަލް އެއާޕޯޓުގައި ޖެއްސީ މޯލްޑިވިއަން އިން އާންމުންނަށް ދައްކައިލި އެއާ ޝޯ އަކާވެސް އެކީގައެވެ.
މޯލްޑިވިއަން އިން އަލަށް ގެނައި އެއާބަސް330 ގައި ތިން ކްލާހެއްގައި 264 ގޮނޑި ހިމެނެއެވެ. އެއީ ބިޒްނަސް އަށް 18 ގޮނޑި އާއި ފްރިމިއަކް އެކޮނަމީއަށް 36 ގޮނޑިއާއި އިކޮނޮމީ ކުލާހުގައި 210 ގޮނޑި އެވެ. މި ފްލައިޓުގެ ދަތުރުތައް މިމަހުގެ 21 ވަނަ ދުވަހު ފެށުމަށް ހަމަޖެހިފައިވާއިރު ފުރަތަމަ ދަތުރު ކުރާނީ ޗައިނާގެ ޗްންގްޑޫ އަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0