Read Time:4 Minute, 19 Second
(ފޮޓޯ ކްރެޑިޓްސް: ވަގުތު)
އަހަރަކު 15 މިލިއަން ޑޮލަރު ނުވަތަ އެއަށްވުރެ ގިނަ އަދަދެއްގެ އާމްދަނީ ލިބޭ ވިޔަފާރިތައް އެ އޮތޯރިޓީގައި ރަޖިސްޓަރީކުރުމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އަންގައިފިއެވެ. މި އެންގުން އަންގާފައިވަނީ އަލަށް ތަންފީޒުކުރަން ފަށާފައިވާ ބޭރު ފައިސާއާބެހޭ ގާނޫނުގެ ދަށުންނެވެ. މި ގާނޫނުގެ ދަށުން ހަދާފައިވާ “ބޭރު ފައިސާއާބެހޭ ގާނޫނުގެ ދަށުން ރަޖިސްޓަރީކުރުމުގެ ގަވާއިދު” އެމްއެމްއޭއިން ވަނީ ގެޒެޓުކޮށްފައެވެ.
އެމްއެމްއޭއިން ބުނި ގޮތުގައި، ޓޫރިޒަމް ދާއިރާގެ މުދާ ވިއްކާ ފަރާތްތަކާއި ޚިދުމަތް ފޯރުކޮށްދޭ ފަރާތްތަކުގެ ތެރެއިން، ކުރިން ރަޖިސްޓަރީކޮށްފައިނުވާ ފަރާތްތަކުން މި މަހުގެ 13 ގެ ކުރިން ރަޖިސްޓަރީކުރަންޖެހެއެވެ. އަދި އަލަށް ވިޔަފާރި ފަށާ ފަރާތްތަކުން 30 ދުވަހުގެ ތެރޭގައި ރަޖިސްޓަރީކުރަން އަންގާފައިވާއިރު، ޓޫރިޒަމް ދާއިރާ އަދި މާލީ އިދާރާތައް ފިޔަވައި އެހެން ދާއިރާތަކުން 2024 ވަނަ އަހަރު 15 މިލިއަން ޑޮލަރަށްވުރެ ގިނައިން އާާމްދަނީ ލިބިފައިވާ ފަރާތްތަކުން ފެބްރުއަރީ 3 ގެ ކުރިން ރަޖިސްޓަރީކުރަންޖެހޭނެއެވެ.
އަދި 2025 އިން ފެށިގެން އަހަރަކު 15 މިލިއަން ޑޮލަރަށްވުރެ ގިނައިން އާމްދަނީ ލިބޭ ފަރާތްތަކުން ޖެހިގެން އަންނަ އަހަރުގެ ޖަނަވަރީ މަސް ނިމުމުގެ ކުރިން ރަޖިސްޓަރީކުރަންޖެހޭނެއެވެ. ރަޖިސްޓަރީކުރަންޖެހޭ ފަރާތްތަކުން އެމްއެމްއޭގެ ވެބްސައިޓުގައި ހުންނަ ފޮރިން އެކްސްޗޭންޖު ރެޖިސްޓްރޭޝަން ޕޯޓަލް މެދުވެރިކޮށް ރަޖިސްޓަރީކުރަންޖެހޭނެ ކަމަށް އެމްއެމްއޭއިން ބުނެފައިވެއެވެ.
މި އައު ގަވާއިދުގެ މައިގަނޑު މަޤްޞަދަކީ ރާއްޖޭގައި ހިންގާ ބޮޑެތި ވިޔަފާރިތަކުގެ ބޭރު ފައިސާގެ މުޢާމަލާތްތައް ބެލެހެއްޓުމާއި، ޤައުމުގެ އިޤްތިޞާދީ ހަރަކާތްތައް ހަރުދަނާކުރުމެވެ. މިފަދަ ވިޔަފާރިތައް ރަޖިސްޓަރީކުރުމުން، އެމްއެމްއޭއަށް ރާއްޖޭގެ ބޭރު ފައިސާގެ ދައުރުވުމާ ބެހޭ މުހިންމު މަޢުލޫމާތު ލިބި، އެކަމާ ގުޅޭ ސިޔާސަތުތައް އެކަށައެޅުމަށް ފަސޭހަވާނެއެވެ. އަދި މިކަމުގެ ސަބަބުން ބޭރު ފައިސާގެ ބާޒާރު އިތުރަށް ހަރުދަނާވެ، ޤައުމުގެ އިޤްތިޞާދީ ދުޅަހެޔޮކަން އިތުރުވާނެ ކަމަށް އް އިޤްތިޞާދީ މާހިރުން ލަފާކުރެއެވެ. ނަމަވެސް، ބައެއް ވިޔަފާރިވެރިން މި ގަވާއިދާމެދު ކަންބޮޑުވުން ފާޅުކޮށް، މިއީ އިތުރު ބިއުރޮކްރަސީއެއް ކަމަށް ބުނެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0