Read Time:6 Minute, 19 Second
(ފޮޓޯ ކްރެޑިޓްސް: ރައީސް އޮފީސް)
ކުރިއަށް އޮތް ރަމަޟާން މަހުގެ ކުރިން 4،000 ފްލެޓްގެ ކަންތައް ނިންމާ ލިސްޓް އިއުލާން ކުރެވޭނެ ކަމަށް ވަރަށް ބޮޑަށް ގަބޫލު ކުރެވޭ ކަމަށް ރައީސް ޑރ. މުހައްްމަދު މުއިއްޒު ވިދާޅުވެއްޖެއެވެ. މިދިޔަ ސަރުކާރުގެ ދައުރުނިމެން ކުޑަދުވަސްކޮޅަކަށް ވެފައިވަނިކޮށް ވަނީ ފްލެޓް ލިބޭ މީހުންގެ ލިސްޓު އާންމު ކޮށްފައެވެ. ލިސްޓު އާންމު ކުރުމާއި އެކީ ގިނަ ބައެއްގެ ޝަކުވާތަކާއި ގުޅިގެން އެންޓި ކޮރަޕްޝަން ކޮމިޝަން (އޭސީސީ) އިން ވަނީ އެކަން ހުއްޓުވާފައެވެ. އަދި މިދިޔަ ސަރުކާރުގެ އެ ވުޒާރާއިންވެސް ވަނީ އޭސީސީގެ އެންގުމާއި އެއްގޮތަށް ފްލެޓް ދޫކުރުން މެދުކަނޑާލާފައިވާކަން ހާމަކޮށްފައެވެ.
އެ މައްސަލަ ތަހުގީގު ކުރުމަށް ފަހު، އޭސީސީން ވިދާޅުވެފައި ވަނީ ކުރީ ސަރުކާރުން ދޫކުރި 4،000 ފްލެޓް ދީފައިވާ މީހުންގެ ތެރެއިން 60 ޕަސެންޓް މީހުންނަކީ ޝަރުތު ހަމަނުވާ މީހުން ކަމަށެވެ. އެހެންނަމަވެސް، ފްލެޓަށް ޝަރުތު ހަމަވާ ކަމަށް ރަނގަޅަށް ޕޮއިންޓު ދީފައިވާ މީހުންނަށް ފްލެޓު ދޭން ފަށަން އޭސީސީން ވަނީ އެ ވުޒާރާއަށް ހުއްދަ ދީފައެވެ. މިއާއެކު ފްލެޓްގެ ރީ-އިވެލުއޭޝަންގެ މަސައްކަތްތައް ކަމާ ގުޅުން ހުރި ވުޒާރާތަކުން ދަނީ ކުރަމުންނެވެ.
ހުވަދު އަތޮޅުގެ ރަށްތަކަށް ކުރެއްވި ދަތުުރުފުޅުގައި ނޫސްވެރިންނާއި ވާހަަކަދައްކަވަމުން ރައީސް ވިދާޅުވީ، އަހަރެއްހާ ދުވަހުގެ ތެރޭގައި އެ ދިޔަ މަސައްކަތްތައް ރިވިއުކޮށް، އެމަނިކުފާނު ވައުދުވެޑައިގެންނެވި ގޮތަށް އެކަން ކުރުމުގެ މަސައްކަތްތައް ފަށާފައިވާ ކަމަށެވެ. “އަޅުގަނޑު ވައުދުވީ އެއްވެސް ރައްޔިތަކަށް ދީފައިވާ ފްލެޓެއް، ގޯއްޗެއް އަޅުގަނޑުމެންނެއް އަތެއް ނުލާނަމޭ، އަބަދުވެސް އޮންނަ ހަމައެއް، ނުގަވައިދުން މަކަރު ހަދައިގެން، ފޯޖް ޑޮކިއުމެންޓް ލައިގެން މީހަކު ފްލެޓެއް ގޯއްޗެއް ހޯދިއްޔާ، އެ މީހެއްގެ އަތުން ކެންސަލް ވާނެ އެއްޗެކޭ އެއީ، އިސްތިސްނާއެކޭ އެއީ،”. ރައީސް ވިދާޅުވިއެވެ.
ރައީސް ވިދާޅުވީ، އެކަހަލަ ކަންކަން ހިންގާފައި ނޫނިއްޔާ، އޭސީސީން ބެލިބެލުމުގެ ތެރެއިން ގޮސްކޮށް ކަންކަން ކޮށްފައި ހުރި މީހުން ފިޔަވާ އެންމެންނަށް ވައުދުވި ގޮތަށް ފްލެޓްތައް ދޭން ބޭނުންފުޅުވާ ކަމަށެވެ. “ކުރިއަށް އޮތް ދުވަސްތަކުގައި، ވަރަށް ބާރު ސްޕީޑްގައި، އެ ވައުދުވި ގޮތަށް އެކަން ކުރަން މަސައްކަތްތަކެއް އަޅުގަނޑުމެން ފަށައިފަ އޮތީ، މައިގަނޑު އަމާޒަކީ އެ މީހަކަށް ފްލެޓް ނޫނިއްޔާ ގޯތި ލިބުނުތާކުން ދިނުން،”. ރައީސް ވިދާޅުވިއެވެ. “ގެދޮރުވެރިޔާ” ސްކީމްގެ ދަށުން ދޫކުރަން ނިންމާފައިވާ 4،000 ފްލެޓް އަޅަނީ އިންޑިއާގެ އެގްޒިމް ބޭންކުން 227 މިލިއަން ޑޮލަރުގެ ސޮވެރިން ގެރެންޓީއެއް ދިވެހި ސަރުކާރަށް ދީގެންނެވެ.
މިއީ އިންޑިއާގެ ޖޭއެމްސީ ޕްރޮޖެކްޓްސް ލިމިޓެޑާއި ނެޝަނަލް ބިލްޑިންސް ކޮންސްޓްރަކްޝަން ކޮމްޕެނީ (އެންބީސީސީ) އިން ކުރިއަށްގެންދާ މަޝްރޫއެކެވެ. މި މަޝްރޫއުގައި ހިމެނޭ 32 ޓަވަރުގެ ތެރެއިން 16 ޓަވަރު އެންބީސީސީން ކުރާ އިރު، އަނެއް 16 ޓަވަރުގެ މަސައްކަތް ކުރަނީ ޖޭއެމްސީންނެވެ. މި ޓަވަރުތަކުގައި ހިމެނެނީ ތިން ކޮޓަރީގެ 2800 އެޕާޓްމެންޓާއި ދެ ކޮޓަރީގެ 1200 އެޕާޓްމެންޓެވެ. ދެ ކޮޓަރީގެ އެޕާޓްމަންޓްތަކަކީ 650 އަކަފޫޓްގެ ޔުނިޓްތަކެވެ. ތިން ކޮޓަރިއަކީ 900 އަކަފޫޓުގެ އެޕާޓްމަންޓްތަކެވެ. މިއީ ޖާގަ ތަނަވަސް އެޕާޓްމެންޓްތަކަށް ވާއިރު، އެފްޑީސީން ވިދާޅުވީ އާންމުންނަށް ފެލްޓްތައް ހަވާލުކޮށް، މީހުން ދިރިއުޅެން ފެށުމުގެ ކުރިން ކޮންމެ އިމާރާތެއްގަައިވެސް އަސާސީ ހިދުމަތްތަައް ލިބޭނެ ކަމަށެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0