Read Time:3 Minute, 34 Second
މިއަދު ނޫސްތަކުގެ ފަލަ ސުރުހީތަކުން ޖާގަ ހޯދާފައިވަނީ ކަނޑުހުޅުދޫ އަށް ރައީސް ކުރެއްވި ރަސްމީ ދަތުރުފުޅުގެ ތެރެއިން ކުޑަކުއްޖަކު ދިއްކޮށްލި ނޯޓެއްގައި އޮތްކަމެއް ފުރިހަމަ ކޮށްދެއްވި ޚަބަރުންނެވެ. ކަނޑުހުޅުދޫ އަށް ރައީސް ކުރެއްވި ދަތުރުފުޅުގެ ތެރެއިން ކުޑަކުއްޖަކު އެދިލެއްވި އެހެން ކަމެއްވެސް ރައީސުލްޖުމްހޫރިއްޔާ ޑރ. މުޙައްމަދު މުއިއްޒުވަނީ މިއަދު ކޮށްދެއްވާފައެވެ.
މީސްމީޑިޔާގެ މަންސަތަކުގައި އާއްމުވެފައިވާ ވީޑިޔޯއަކުން ފެންނަ ގޮތުގައި ރައީސް އަށް މަރުހަބާ ދެންނެވުމަށް އެރަށުން އަތުރާލާފައިވާ ސަފުގެ ތެރެއިން ކުޑަކުއްޖަކު ވަނީ ރައީސްގެ ސޮއި ހޯއްދެއްވުމަށް އެދިފައެވެ. އެހެންނަމަވެސް، އެކުއްޖާ ބޭނުންވީ ކަނާތުން ރައީސް ސޮއިކުރެއްވުމަށެވެ. ވީޑިޔޯ އިން ފެންނަ ގޮތުގައި ސަފުގައި އެތުރިގެން ތިބި ކުޑަކުދިންތަކެއް ވަނީ ރައީސް އަރާހަމަވެވަޑައިގެންނެވުމުން ކަރުދާސްކޮޅަކާއި ގަލަމެއް ދީ، ކަނާތުން ސޮއިކުރެއްވުމަށް އެދިފައެވެ. ރައީސް ޑރ. މުއިއްޒު އަކީ ވާތްތެރި ބޭފުޅެއްކަމުގައިވާތީ، ކަނާތުން ސޮއިކުރެއްވުމަށް އެދުނީ މި ސަބަބާ ގުޅިގެންކަމަށް ބެލެވެއެވެ. ސޮއިކުރެއްވުމަށްފަހު، ރައީސް ވަނީ “ރަނގަޅުތޯ”، އެކަމަށް އެދުނު ކުދިންގެ ކިބައިން ސުވާލުކުރައްވާފައެވެ.
This young boy from GA. Kanduhulhudhoo requested Raees to sign his autograph with his right hand 😅 pic.twitter.com/QF4zWFbvCa
— Malsha (@malshasharyf) January 8, 2025
މީގެއިތުރުންވެސް، ކަނޑުހުޅުދޫން ކުޑަކުއްޖަކު ވަނީ، ފުލުހުންގެ ހިދުމަތުގައި މަސައްކަތްކުރާ އެކުއްޖާގެ ބައްޕައާ ބައްދަލުވާނެ ގޮތް ހައްދަވައިދެއްވުމަށް އެދިފައެވެ. ރައީސްގެ އިސްނެންގެވުމުގެ މަތިން، މި އެދުންވެސް ރައީސް ވަނީ ފުރިހަމަކޮށްދެއްވާފައެވެ.
ރައީސުލްޖުމްހޫރިއްޔާ މިހާރު ހުވަދު އަތޮޅުގެ ރަށްތަކަށް ކުރައްވަމުން ގެންދަވާ ދަތުރުފުޅުގައި ދަނީ އެރަށްރަށުގެ ކައުންސިލްތަކާއި ރައްޔިތުންނާ ބައްދަލުކޮށް، ރަށްރަށަށް ބޭނުންވާ ކަންތައްތަކާ ބެހޭގޮތުން މަޝްވަރާކުރައްވަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0