Read Time:2 Minute, 59 Second
(ފޮޓޯ ކްރެޑިޓްސް: ރައީސް އޮފީސް)
ރައީސުލްޖުމްހޫރިއްޔާގެ އަނބިކަނބަލުން މެޑަމް ސަޖިދާ މުޙައްމަދުގެ އަރިހަށް، ވެސްޓާން އޮސްޓްރޭލިއާގެ ގަވަރުނަރު އޮނަރަބަލް ކްރިސް ޑޯސަންގެ އަނބިކަނބަލުން ރިލިން ޑޯސަން އިޙްތިރާމްގެ ޒިޔާރަތެއް ކުރައްވައިފިއެވެ. ފަސްޓް ލޭޑީ ވަނީ މިސިސް ޑޯސަން އަށް މަރުހަބާ ވިދާޅުވެ، ގަވަރުނަރު ޑޯސަން އާއި އެކަމަނާއަށް ރާއްޖޭގައި ހިތްގައިމު ދަތުރަކަށް އެދިވަޑައިގެންފައެވެ. އެކަމަނާ ވަނީ ރާއްޖެއާއި އޮސްޓްރޭލިއާއާ ދެމެދު އޮންނަ ގާތް ގުޅުމާއި އެއްގައުމު އަނެއް ގައުމަށް ދޭ އެއްބާރުލުމުގެ އަގުވަޒަން ކުރައްވާފައެވެ.
މި ބައްދަލުކުރެއްވުމުގައި ރައީސުލްޖުމްހޫރިއްޔާގެ އަނބިކަނބަލުންނާއި ގަވަރުނަރުގެ އަނބިކަނބަލުން ވަނީ ދެގައުމަށް ތައުލީމީ ރޮނގުން ލިބިފައިވާ ކާމިޔާބީތަކާއި ކުރިއެރުންތަކުގެ މައްޗަށް އަލިއަޅުއްވައި ވާހަކަފުޅު ދައްކަވާފައެވެ. އަދި އިތުރަށް ތަޢުލީމީ ދާއިރާ ކުރިއެރުވުމާއި، ކުޑަކުދިންނާއި އަންހެން ކުދިންނަށް އުނގެނުމުގެ ފުރުޞަތުތަކާއި، އިންކްލޫސިވް އެޑިޔުކޭޝަންގެ މުހިންމުކަމާ ބެހޭގޮތުންވެސް ދެ ބޭފުޅުން މަޝްވަރާކުރެއްވި އެވެ. މީގެ އިތުރުން އޮސްޓްރޭލިއާގައި މަތީ ތައުލީމު ހާސިލްކުރާ ދިވެހި ދަރިވަރުންގެ އަދަދު އިތުރުވަމުންދާތީ އާއި އޮސްޓްރޭލިއާ އެވޯޑްސްގެ ސްކޮލަޝިޕްތަކާ ބެހޭ ގޮތުން ވެސް ދެ ބޭފުޅުން ވަނީ ވާހަކަފުޅު ދައްކަވާފައެވެ.
މި ބައްދަލުކުރެއްވުމުގައި ޞިއްޙީ ދާއިރާގައި މެޑަމް ސާޖިދާގެ ގެ ދައުރު ފާހަގަކުރައްވައި، އެކަމަނާ ކުރައްވަމުން ގެންދަވާ މަސައްކަތްޕުޅުތަކަށް މިސިސް ޑޯސަން ވަނީ ތަޢުރީފު ކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0