Read Time:2 Minute, 8 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ދައުލަތުގެ ގިނަ ކުންފުނިތަކަކީ ގެއްލުމުގައްޔާއި ކޮރަޕްޝަންގެ ތެރޭގައި ހިންގަމުންދާ ތަންތަނަށް ވެފައި، މުވައްޒަފުންގެ އަދަދު 41،000 އަށް އަރައި ޚަރަދުތައް ބޮޑުވެފައިވާތީ، އެ ކުންފުނިތައް ރައިޓް ސައިޒްކޮށް ހިންގުން ހަރުދަނާކުރުމުގެ މަސައްކަތް ސަރުކާރުން ވަނީ ފަށާފައެވެ. މިގޮތުން އިދާރީ އޮނިގަނޑުތަކަށް ބަދަލު ގެނައުމުގެ އިތުރުން، ބޮޑެތި ގެއްލުންތަކެއް ވެފައިވާ ފެނަކަ އުވާލައި ސްޓެލްކޯގެ ދަށަށް ބަދަލުކުރުމާއި، އެއްގޮތް މަސައްކަތްތަކެއް ކުރާ އާރްޑީސީ އުވާލައި އެމްޓީސީސީއާ އެއްކޮށްލުމުގެ އިތުރުން، އެގްރޯނެޓް ކުންފުނި މިފްކޯގެ ދަށަށް ބަދަލުކުރުމަށް ވަނީ ނިންމާފައެވެ. މީގެއިތުރުން ދިރާގުގެ އަޣުލަބިއްޔަތު ހިއްސާ ސަރުކާރަށް ހޯދުމަށާއި، އެމްޑަބްލިޔުއެސްސީގެ ހުރިހާ ހިއްސާއެއް އަނބުރާ ގަނެ ސައްތައިން ސައްތަ ސަރުކާރުގެ ކުންފުންޏަކަށް ހެދުމުގެ މަޝްވަރާތައްވެސް ދަނީ ކުރެވެމުންނެވެ. މި ބަދަލުތަކުގެ މައިގަނޑު މަޤްޞަދަކީ ކުންފުނިތަކުގެ ޚަރަދު ކުޑަކޮށް، ހިންގުން ހަރުދަނާކޮށް އަދި ރައްޔިތުންނަށް ދޭ ޚިދުމަތުގެ ފެންވަރު މަތިކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0