Read Time:2 Minute, 8 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ޤައުމުގެ ކުރިއެރުމަށްޓަކައި އައު ޓެކްނޮލޮޖީތަކަށް އަހުލުވެރި، ރައްކާތެރިކަމާއެކު އެ ތަކެތި ބޭނުންކުރަން ދަންނަ އާބާދީއެއް ބިނާކުރުން މުހިންމުކަމަށް ދާޚިލީ ސަލާމަތާއި މަސައްކަތްތެރިކަމާއި ފަންނިއްޔާތާ ބެހޭ ވަޒީރު އަލީ އިޙްސާން ވިދާޅުވެއްޖެއެވެ. “މޯލްޑިވްސް 2.0” މަގުޗާޓުގެ ދަށުން ފެށި “ޑިޖިޓަލް ފޯރ އޯލް” ކެމްޕޭނަކީ ރައްޔިތުންގެ ޑިޖިޓަލް ހުނަރުތައް ކުރިއަރުވައި، އިޤްތިސާދީ އަދި އިޖްތިމާޢީ ނަފާ ހޯދައިދިނުމަށް ކުރިއަށްގެންދާ ޤައުމީ ހަރަކާތެކެވެ. ވަޒީރު ފާހަގަކުރެއްވި ގޮތުގައި ހަމައެކަނި ވަސީލަތްތައް ޤާއިމުކުރުމަކުން ޤައުމެއް ބަދަލެއް ނުކުރެވޭނެއެވެ. ނަމަވެސް އެ ވަސީލަތްތައް އުފެއްދުންތެރި ގޮތެއްގައި ބޭނުންކުރާނެ ޤާބިލުކަން ރައްޔިތުންގެ ކިބައިގައި ހުރުމަކީ ކުރެވޭނެ އެންމެ ބޮޑު އިންވެސްޓްމަންޓެވެ. ކުރިއަށް އޮތް ތިން އަހަރު ދުވަހުގެ ތެރޭގައި މުޅި ރާއްޖެއަށް އަމާޒުކޮށްގެން ހިންގާ މި މަޝްރޫޢުގެ މަޤްޞަދަކީ އެއްވެސް މީހަކު ބާކީނުކޮށް، އޭ.އައި ފަދަ ޒަމާނީ ޓެކްނޮލޮޖީއަށް އަހުލުވެރި “ޑިޖިޓަލް ފަސްޓް” ޤައުމެއް ބިނާކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0