Read Time:1 Minute, 54 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މި މަހުގެ 16 ވަނަ ދުވަހުގެ ނިޔަލަށް ދައުލަތުން ސަބްސިޑީއަށް ކުރި ހޭދަ 3.13 ބިލިޔަން ރުފިޔާއަށް އަރާފައިވާއިރު، މިއީ މިދިޔަ އަހަރުގެ މި މުއްދަތާ އަޅާބަލާއިރު 86 އިންސައްތައިގެ އިތުރުވުމެކެވެ. މި ހޭދަ އެންމެ ބޮޑަށް އިތުރުވެފައިވަނީ ދުނިޔޭގެ ބާޒާރުގައި ތެލުގެ އަގު އުފުލުމާ ގުޅިގެން ތެލާއި ކަރަންޓުގެ ސަބްސިޑީއަށް ކުރި ޚަރަދު ބޮޑުވުމުންނެވެ. އެގޮތުން ތެލުގެ ސަބްސިޑީއަށް އެކަނިވެސް 1.8 ބިލިޔަން ރުފިޔާ ޚަރަދުކޮށްފައިވެއެވެ. މީގެ އިތުރުން ކަރަންޓު، ކުނި މެނޭޖުކުރުން، ދަތުރުފަތުރު އަދި ކާބޯތަކެތީގެ ސަބްސިޑީއަށް ކުރި ހޭދަވެސް ވަނީ އިތުރުވެފައެވެ. ނަމަވެސް މަސްވެރިކަމުގެ ސަބްސިޑީއަށް ކުރި ޚަރަދު ވަނީ މިދިޔަ އަހަރަށްވުރެ ދަށްވެފައެވެ. ސަރުކާރުން މި ސަބްސިޑީތައް ދެނީ އަސާސީ ޚިދުމަތްތަކުގެ އަގު ރައްޔިތުންނަށް އަތްފޯރާ ފަށެއްގައި ހިފެހެއްޓުމަށްޓަކައި، ޚިދުމަތް ދިނުމަށް ހިނގާ އަސްލު ޚަރަދާއި ކޮންޓްރޯލް އަގުގެ ފަރަގު ފޫބެއްދުމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0