Read Time:2 Minute, 18 Second
(ފޮޓޯ ކްރެޑިޓްސް: އެމްއޭސީއެލް)
ފާއިތުވި ހަފުތާގެ ފިސްކަލް ރިޕޯޓުން ދައްކާގޮތުގައި، ޓީ.ޖީ.އެސް.ޓީގެ ގޮތުގައި ދައުލަތަށް 6.7 ބިލިއަން ރުފިޔާ ލިބިފައިވާއިރު، މިއީ ކުރީ އަހަރާ އަޅާބަލާއިރު %7.7 އިތުރު އަދަދެކެވެ. މުދަލާއި ޚިދުމަތުން ނަގާ ޓެކްސްގެ ޖުމްލަ އާމްދަނީ %9 އިތުރުވެ 9.7 ބިލިއަން ރުފިޔާއަށް އަރާފައިވާއިރު، ދައުލަތަށް ލިބުނު ޖުމްލަ އާމްދަނީ އާއި ހިލޭ އެހީގެ މިންވަރު ވަނީ 23 ބިލިއަން ރުފިޔާއަށް އިތުރުވެފައެވެ. ވަކިން ހިލޭ އެހީގެ ގޮތުގައި ލިބުނު އާމްދަނީ %130.3 އަށް އިތުރުވެފައިވީ ނަމަވެސް، ޓެކްސް ނޫން އާމްދަނީ ވަނީ ކުޑަކޮށް ދަށްވެފައެވެ.
ޚަރަދުތަކަށް ބަލާއިރު، ސަބްސިޑީއަށާއި ކައުންސިލްތަކުގެ ގްރާންޓަށް ކުރި ހޭދަ ބޮޑުތަނުން އިތުރުވެ، ދައުލަތުގެ ޖުމްލަ ޚަރަދު ވަނީ 24.5 ބިލިއަން ރުފިޔާއަށް އަރާފައެވެ. މިއީ ކުރީ އަހަރާ އަޅާބަލާއިރު %21 އިތުރުވުމެކެވެ. ޚާއްޞަކޮށް ސަބްސިޑީއަށް ކުރި ހޭދަ %86.3 އިތުރުވެފައިވާއިރު، މުސާރައާއި ކެޕިޓަލް ޚަރަދުތައްވެސް ވަނީ މަތިވެފައެވެ. މީގެ ސަބަބުން ބަޖެޓް ޑެފިސިޓް 1.5 ބިލިއަން ރުފިޔާގައި ހުރި ނަމަވެސް، ދަރަނި އަދާކުރުމާއި އިންޓްރެސްޓް ނުހިމަނައި ބަލާއިރު ޕްރައިމަރީ ބެލެންސް އަދިވެސް އޮތީ ސަރޕްލަސްއެއްގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0