Read Time:2 Minute, 17 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މިއަހަރުގެ ފުރަތަމަ ހަމަސް ދުވަހު ދައުލަތުގެ އާމްދަނީއަށް 22.4 ބިލިއަން ރުފިޔާ ލިބިފައިވީ ނަމަވެސް، ޚަރަދުތައް 23.3 ބިލިއަން ރުފިޔާއަށް އެރުމުގެ ސަބަބުން ބަޖެޓު ވަނީ 975.9 މިލިއަން ރުފިޔާއިން ދަރަނިވެފައެވެ. ޚަރަދުތައް އިތުރުވާން ދިމާވި މައިގަނޑު ސަބަބުތަކަކީ ތެލާއި މުދަލުގެ އަގު ހިފެހެއްޓުމަށް ދޭ ސަބްސިޑީއަށް ކުރި ހޭދަ 92 އިންސައްތަ އިތުރުވުމާއި، މުސާރަ އެއްހަމަކުރުމުގެ ސިޔާސަތުގެ ދަށުން މުވައްޒަފުންގެ މުސާރައަށް ކުރި ޚަރަދު އިތުރުވުމެވެ.
މި މުއްދަތުގައި ޓެކްސް އާމްދަނީގެ ގޮތުގައި ލިބުނު މިންވަރު ވަނީ މިދިޔަ އަހަރަށްވުރެ 2 ބިލިއަން ރުފިޔާ އިތުރުވެ، 17.2 ބިލިއަން ރުފިޔާއަށް އަރާފައެވެ. މީގެ ތެރޭގައި ވިޔަފާރި އަދި ކޯޕަރޭޓް އިންކަމް ޓެކްސްއިން ލިބުނު ކުރިއެރުން ފާހަގަކޮށްލެވެއެވެ. އަދި ބަޖެޓުގައި އަންދާޒާކުރި ވަރަށްވުރެ އިތުރަށް ހިލޭ އެހީވެސް ވަނީ ލިބިފައެވެ. ބަޖެޓު ދަރަނިވި ނަމަވެސް، ދަރަނި އަދާކުރުމާއި އިންޓްރެސްޓް ނުހިމަނައި ދައުލަތުގެ ޚަރަދުތައް އާމްދަނީން ހަމަޖެއްސޭނެކަން އަންގައިދޭ “ޕްރައިމަރީ ސާޕްލަސް” ގެ ގޮތުގައި 1.7 ބިލިއަން ރުފިޔާ ހުރިކަމަށް މާލީ ވުޒާރާއިން ހާމަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0