Read Time:3 Minute, 3 Second
(ފޮޓޯ ކްރެޑިޓްސް: ރަޢީސް އޮފީސް)
ބޭންކް އޮފް މޯލްޑިވްސްގެ ޑިޖިޓަލް ވޮލެޓް “ސްވައިޕް” ބޭނުންކުރާ ދިވެހިންގެ އަދަދު 20،000 އަށްވުރެ އިތުރުވެފައިވާކަން އެ ބޭންކުގެ ސީއީއޯ މުޙައްމަދު ޝަރީފް ހާމަކުރައްވައިފިއެވެ. މިއީ ރާއްޖޭގެ ޑިޖިޓަލް އިކޮނޮމީ ފުޅާކުރުމަށް ސަރުކާރުން ގެންގުޅުއްވާ ތަސައްވުރުގެ ދަށުން، ދިވެހިން އުފައްދާފައިވާ ބައިނަލްއަޤުވާމީ މިންގަނޑުތަކަށް ފެތޭ %100 ދިވެހި އުފެއްދުމެކެވެ.
ސްވައިޕް މެދުވެރިކޮށް އިތުރު ފީއަކާ ނުލައި ރާއްޖެއާއި ރާއްޖޭން ބޭރަށް ފައިސާ ފޮނުވުމާއި ބަލައިގަތުމުގެ ފުރުސަތު މިހާރު ވަނީ ފަހިކޮށްދީފައެވެ. އަދި ރާއްޖޭގެ 3300 އަށްވުރެ ގިނަ ވިޔަފާރިތަކަށް މި ވޮލެޓުން ފައިސާ ދެއްކޭއިރު، ބޭރު ގައުމުތަކުގައި ތިބެގެންވެސް އީ-ކޭވައިސީ ފުރިހަމަކޮށްގެން މި ޚިދުމަތުގައި ރަޖިސްޓްރީވެވޭނެއެވެ. މީގެ އިތުރުން، އަލިޕޭ، ވީޗެޓް ޕޭ، މާސްޓަރކާޑު އަދި ވީސާ ފަދަ ބައިނަލްއަޤުވާމީ ޕޭމަންޓް ނެޓްވޯކްތަކާ ގުޅިގެން ކާޑަކާ ނުލައި ފައިސާ ދެއްކޭނެ އިންތިޒާމު މިއަހަރުގެ ފަހުކޮޅު ތަޢާރަފުކުރުމަށް ދަނީ މަސައްކަތް ކުރަމުންނެވެ.
މި ވޮލެޓުގެ އެންމެ ބޮޑު އެއް ފަސޭހައަކީ ޑޮލަރު، ޕައުންޑް އަދި ޔޫރޯ އިން ބައިނަލްއަޤުވާމީ އެކައުންޓް ހުޅުވައި، އަމިއްލަ އައިބީއޭއެން ނަންބަރެއް ލިބުމެވެ. މީގެ ސަބަބުން ކޮންޓެންޓް ކްރިއޭޓަރުންނާއި ފްރީލާންސަރުންނަށް ރާއްޖޭން ބޭރުން ފޮނުވާ ފައިސާ ވަގުތުން ލިބި، އެ ފައިސާ ބޭންކުގެ ޑޮލަރު އެކައުންޓަށް ބަދަލުކުރުމުގެ ފުރުސަތު ލިބިގެންދާނެއެވެ. މިއީ ބައިނަލްއަޤުވާމީ ކްލައިންޓުންނާއެކު މަސައްކަތްކުރާ ދިވެހި ޒުވާނުންނަށް ލިބިގެންދިޔަ އިންގިލާބީ ކުރިއެރުމެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0