Read Time:1 Minute, 56 Second
ޕީއެންސީގެ ދާއިރާތަކުގެ އިންތިޚާބު އަންނަ ހޮނިހިރު ދުވަހު ބޭއްވުމަށް ތައްޔާރުވެފައިވާއިރު، މި އިންތިޚާބަށްފަހު އެކި މަޤާމުތަކުގައި 2500އަށްވުރެ ގިނަ މެންބަރުން ހަރަކާތްތެރިވާނެ ކަމަށް އެ ޕާޓީން ބުނެފިއެވެ. މި އިންތިޚާބުގައި ދާއިރާ ރައީސުންނާއި، ނައިބު ރައީސުންނާއި، އަންހެނުންގެ އަދި ޒުވާނުންގެ ގޮފިތަކުގެ ރައީސުންގެ އިތުރުން ސްޓިއަރިން ކޮމިޓީގެ ރައީސް ހޮވާނެއެވެ.
ޕާޓީގެ ތަރުޖަމާނު ފިރުޒުލް ވިދާޅުވީ، ވޯޓުލުން ކުރިއަށްދާނީ ވާދަވެރިކަން އޮތް 131 ރަށެއްގައެވެ. ވޯޓުލުމުގެ ހައްގު ލިބެނީ މިދިޔަ ޖޫން މަހުގެ 15އާ ހަމައަށް އިލެކްޝަންސް ކޮމިޝަނުގެ ދަފްތަރުގައި ޕީއެންސީގެ މެންބަރުންގެ ގޮތުގައި ތިބި މީހުންނަށެވެ. އަދި ޕީއެންސީގެ މަޖިލިސް މެންބަރުން ތިއްބެވި ދާއިރާތަކުގެ ރައީސުންނަކީ އެ މެންބަރުން ކަމަށްވާތީ، އެ ދާއިރާތަކުގައި ރައީސުން ހޮވުމުގެ އިންތިޚާބެއް ނޯންނާނެއެވެ. މި އިންތިޚާބު ނިންމުމަށް އަމާޒު ހިފާފައިވަނީ ސެޕްޓެމްބަރު މަހު ބާއްވާ ޕާޓީގެ މަތީ މަޖިލީހުގެ ކުރިންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0