Read Time:1 Minute, 53 Second
(ފޮޓޯ ކްރެޑިޓްސް: ފަތުރުވެރިކަމާއިބެހޭ ވުޒާރާ)
ޗައިނާއިން ރާއްޖެއަށް އަންނަ ފަތުރުވެރިންގެ އަދަދު އިތުރުކުރުމަށްޓަކައި، ރާއްޖޭގެ މަތީ ފަންތީގެ ވަފުދަކުން ބެއިންޖިންގައި މުހިންމު ބައްދަލުވުންތަކެއް ބާއްވައިފިއެވެ. މި މަހުގެ 1 އިން 11 އަށް ކުރިއަށްދާ މި ދަތުރުގައި، ފަތުރުވެރިކަމާ ބެހޭ ވުޒާރާއާއި، ވިޒިޓް މޯލްޑިވްސް، އެމްއޭސީއެލް އަދި މޯލްޑިވިއަންގެ އިސްވެރިން ބައިވެރިވެވަޑައިގަންނަވައެވެ. މި ދަތުރުގެ ތެރެއިން ޗައިނާގެ އެއަރލައިންތަކާއި ޓުއަރ އޮޕަރޭޓަރުންނާ ބައްދަލުކޮށް، ރާއްޖޭގެ ފަތުރުވެރިކަމުގެ އެކި ދާއިރާތައް އިޝްތިހާރުކޮށް، އައު ޕްރޮމޯޝަނަލް ކެމްޕޭންތައް ފެށުމާ ގުޅޭގޮތުން ވަނީ މަޝްވަރާކޮށްފައެވެ. ޗައިނާއަކީ ރާއްޖެއަށް އެންމެ ގިނައިން ފަތުރުވެރިން އަންނަ ޤައުމަށްވާއިރު، މި އަހަރުގެ މިހާތަނަށް އެ ޤައުމުން 168,677 އަށްވުރެ ގިނަ ފަތުރުވެރިން ވަނީ ޒިޔާރަތްކޮށްފައެވެ. މިއީ ވޭތުވެދިޔަ އަހަރާ އަޅާބަލާއިރު 19.8 އިންސައްތައިގެ ކުރިއެރުމެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0