Read Time:3 Minute, 19 Second
ފޮޓޯ ކްރެޑިޓްސް: ރައްޔިތުންގެ މަޖިލިސް
ރާއްޖޭގެ ކައުނސިލްތަކުން ހަރަދުތައް ކުރަން ވާނީ މާލިއްޔަތު ގާނޫނުގައި އޮންނަ ގޮތަށް ކަމަށާއި ކައުންސިލްތަކުން ހަރަދު ކުރުމުގައި ސަރުކާރުގެ މާ ބޮޑު ރޯލެއް ނޯންނާނެ ކަމަށް ފިނޭންސް މިނިސްޓަރު މޫސާ ޒަމީރު، ރައްޔިތުންގެ މަޖިލިހުގައި މިއަދު ވިދާޅުވެއްޖެއެވެ. މަޖިލިހުގެ ޖަލްސާގައި ތިނަދޫ އުތުރު ދާއިރާގެ މެމްބަރު ސައުދުﷲ ހިލްމީ ކުރެއްވި ސުވާލެއްގައި ވަނީ ގާނޫނުން ލާޒިމްކޮށްގެން ކައުންސިލްތަކަށް އާބާދީ ނިސްބަތުން ދެމުންގެންދާ ބްލޮކްގްރާންޓް ދިނުމުގައި ކިހާވަރަކަށް އާބާދީއަށް ބަލާތޯ އައްސަވައިފައެވެ. އަދި ކައުންސިލްތަކުންވެސް ވަރަށް ބޮޑެތި އޮޅުވާލުންތަކެއް އޮޅުވާލާފައި އެބަހުރި ކަމަށްވެސް އޭނާ ވަނީ ތުހުމަތު ކުރައްވައިފައެވެ.
އެ ސުވާލަށް ޖަވާބު ދެއްވަމުން ވަޒީރު ވިދާޅުވީ، ސަރުކާރުން ދޫކުރާ ބްލޮކްގްރާންޓު ދޫކުރަނީ ގާނޫނުގައި އޮންނަ ފޯމިއުލާއަކާ އެއްގޮތަށް ކަމަށާއި، އާބާދީ އާއި ބައެއް ކަހަލަ އެލަވެންސްތަކަށްވެސް ބަލާ ކަމަށެވެ. ” އެ ފޯމިއުލާގައި އޮންނަ ގޮތަށް އަޅުގަނޑުމެން މިދޫކުރަނީ، އޭގެ ތެރެއިން ކައުންސިލްތަކުން ކުރާ ހަރަދުތަކަކީ އަޅުގަނޑުމެން އޭގައި މާލިއްޔަތު ގާނޫނާއި އެއްގޮތަށް ކުރަންޖެހޭނެ، ނަމަވެސް ހަރަދުކުރުމުގައި ސަރުކާރުގެ މާބޮޑު ރޯލެއް ނޯންނާނެ. އެކަމަކު އެ ރިކޯޑުކުރުމާއި، ބައެއް ހަރަދުކުރުމުގައި އަޅުގަނޑުމެންނާއެކު މަޝްވަރާކުރެވިގެން ކުރާ ހަރަދުތަކެއް ހުރޭ.” ވަޒީރު ވިދާޅުވިއެވެ.
ވަޒީރު ވިދާޅުވީ، ރައްޔިތުންނަށް އެންމެ ރަނގަޅު ގޮތުގައި އެ ފައިސާ ހަރަދުކުރުމުގައި ފާހަގަކުރެވޭ ކަންތައްތައް ގާނޫނުގެ ތެރެއިން ރޭވިފައި އޮންނަ ކަމަށެވެ. އަދި ރައްޔިތުންނަށް އެންމެ ފައިދާ ހުރި ގޮތެއްގައި ފައިސާ ގަރަދުކުރަމުންދާ ކަމަށްވެސް ވަޒީރު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0