Read Time:1 Minute, 51 Second
(ފޮޓޯ ކްރެޑިޓްސް: ބީސީސީ)
ރާއްޖޭގެ ރަށްރަށުގެ އިޤްތިޞާދީ ކުރިއެރުން ބިނާވެފައިވަނީ ކުދި އަދި މެދުފަންތީގެ ވިޔަފާރިތަކުގެ މައްޗަށް ކަމަށް ބީސީސީގެ މެނޭޖިންގ ޑިރެކްޓަރ އިބްރާހިމް ޒިޔާއު މުޙައްމަދު ވިދާޅުވެއްޖެއެވެ. އެންމެ ކުދި، ކުދި އަދި މެދުފަންތީގެ ވިޔަފާރީގެ ދުވަހާ ގުޅިގެން ޒިޔާއު ފާހަގަކުރެއްވި ގޮތުގައި، މިފަދަ ވިޔަފާރިތަކަކީ ވަޒީފާގެ ފުރުޞަތުތައް އިތުރުކޮށް، އައު އީޖާދުތަކާއެކު ޤައުމުގެ އިޤްތިޞާދު ވަރުގަދަކޮށްދޭ މައި ތަނބެވެ. މި ވިޔަފާރިތައް ބާރުވެރިކުރުވުމުގައި ބީސީސީން ދެމިއޮންނާނެ ކަމުގެ ޔަޤީންކަން ދެއްވަމުން، މިހާރުވެސް އިޤްތިޞާދީ ވުޒާރާއާ ގުޅިގެން ރާއްޖޭގެ އެކި ކަންކޮޅުތަކުގައި ޚާއްޞަ ޙަރަކާތްތަކެއް ދަނީ ހިންގަމުންނެވެ. އަދި ސަރުކާރުން މިފަދަ ވިޔަފާރިތައް ކުރިއެރުވުމަށް ކުރާ މަސައްކަތްތަކުގެ ތެރެއިން ދިވެހި އުފެއްދުންތެރިކަމުގެ މައުރަޒަކީ އިންވެސްޓަރުންނާއި ވިޔަފާރިތައް ގުޅުވައިދިން ކާމިޔާބު ފުރުޞަތެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0