Read Time:1 Minute, 59 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖެއަށް ޕޭޕަލްގެ ޚިދުމަތް ނުގެނެވޭނެ ކަމަށް އިދިކޮޅު ފަރާތްތަކުން ބުނި ނަމަވެސް، އެއީ ކުރެވިދާނެ ކަމެއްކަން ސަރުކާރުން ސާބިތުކޮށްދީފައިވާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. “ނޭޝަން ޗެޓް” ޕޮޑްކާސްޓްގައި ވާހަކަފުޅު ދައްކަވަމުން ރައީސް ވިދާޅުވީ، މިމަހުގެ 15 އިން ފެށިގެން އުރީދޫ އެމްފައިސާ މެދުވެރިކޮށް ލިބެން ފެށި މި ޚިދުމަތަކީ އެމަނިކުފާނުގެ ރިޔާސީ ވަޢުދެއް ކަމަށެވެ. ޕޭޕަލް ފަދަ ބޮޑެތި ކުންފުނިތަކާ ސީދާ މުޢާމަލާތްކޮށްގެން، ގާތްގަނޑަކަށް އަހަރެއްހައި ދުވަހުގެ މަސައްކަތުން މި ޚިދުމަތް ގާއިމުކުރެވުމަކީ ރާއްޖޭގެ ޑިޖިޓަލް އިކޮނޮމީ ވަރުގަދަކުރުމަށް އެޅުނު މުހިންމު ފިޔަވަޅެއް ކަމަށާއި، މީގެ ސަބަބުން ޒުވާނުންނަށާއި ކްރިއޭޓިވް އިންޑަސްޓްރީއަށް ބޮޑެތި ލުއިތަކެއް ލިބިގެންދާނެ ކަމަށް ރައީސް ފާހަގަކުރެއްވިއެވެ. ސަރުކާރުގެ އަމާޒަކީ 2030 ވަނަ އަހަރާ ހަމައަށްދާއިރު ރާއްޖޭގެ އިޤްތިޞާދުގެ 15 އިންސައްތަ ޑިޖިޓަލް އިކޮނޮމީއަށް ހެދުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0