Read Time:2 Minute, 6 Second
އިނގިރޭސިވިލާތަށް އެތެރެކުރާ މަހުން ނަގަމުން އައި ޓެރިފް ކަނޑާލުމުން އެންމެ ބޮޑު ފައިދާއެއް ކުރާނީ ދިވެހިރާއްޖެއަށް ކަމަށް މަސްވެރިކަމާ ބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ. އިނގިރޭސިވިލާތުން މި ގެނައި ބަދަލާއެކު، ރާއްޖެއިން އެ ގައުމަށް މަސް އެކްސްޕޯޓް ކުރާއިރު ދައްކަންޖެހޭ 20 އިންސައްތަ ޓެރިފް 2028 ވަނަ އަހަރުގެ ނިޔަލަށް ވަނީ ކަނޑާލާފައެވެ.
މި ނިންމުމަކީ ރައީސުލްޖުމްހޫރިއްޔާ އިނގިރޭސިވިލާތަށް ކުރެއްވި ދަތުރުފުޅުގައި ކުރެއްވި މުހިންމު މަޝްވަރާތަކުގެ ނަތީޖާއެއް ކަމަށް ވަޒީރު ފާހަގަކުރެއްވިއެވެ. އިނގިރޭސިވިލާތަކީ ރާއްޖެއިން ދެވަނައަށް އެންމެ ގިނައިން މަސް ބޭރުކުރާ ގައުމަށްވާއިރު، މީގެ ކުރިން ރާއްޖެއިން މަސް އެކްސްޕޯޓް ކުރަންޖެހުނީ ޓެރިފް ނުނަގާ ގައުމުތަކާ ވާދަކޮށްގެންނެވެ. ނަމަވެސް މި ބަދަލާއެކު ދިވެހި މަސްވެރިންނަށާއި އެކްސްޕޯޓް ކުރާ ފަރާތްތަކަށް ބޮޑު ލުޔެއް ލިބި، ވާދަވެރި މާކެޓެއްގައި ކުރިއެރުން ލިބޭނެއެވެ. ސަރުކާރުގެ އަމާޒަކީ މި ލުއިތައް ދާއިމީ ކުރުމަށްޓަކައި އިނގިރޭސި ސަރުކާރާއެކު އިތުރު މަޝްވަރާތައް ކުރިއަށް ގެންދިއުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0