Read Time:2 Minute, 5 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
މާލެ ސަރަހައްދުގައި ނަފްސާނީ ބަލިތަކަށް ފަރުވާދޭ ހާއްސަ ހޮސްޕިޓަލެއް އެޅުމަށް ސަރުކާރުން ނިންމެވީ، އެންމެ ގިނަ ބަޔަކު މި ހިދުމަތަށް އެދެނީ މާލެއިން ކަމަށްވާތީ ކަމަށް ސިއްހަތާ ބެހޭ ވަޒީރު ޤީލާ އަލީ ވިދާޅުވެއްޖެއެވެ. ތަފާސްހިސާބުތަކުން ދައްކާގޮތުގައި ފާއިތުވި ތިން އަހަރު ނަފްސާނީ ފަރުވާ ހޯދި 70،000 މީހުންގެ ތެރެއިން 45،000 މީހުންނަކީ މާލެ ސަރަހައްދުން ފަރުވާ ހޯދި މީހުންނެވެ.
މި ހޮސްޕިޓަލް އެޅުމަށް ހުޅުމާލެއިން 10،000 އަކަފޫޓުގެ ބިމެއް މިހާރު ވަނީ ކަނޑައަޅާފައެވެ. ވަޒީރު އިތުރަށް ފާހަގަކުރެއްވި ގޮތުގައި، މީގެ ކުރިން މިފަދަ ހާއްސަ ހޮސްޕިޓަލެއް ނެތުމުން ފަރުވާ ދިނުމުގައި ދަތިތަކެއް ހުއްޓެވެ. ނަމަވެސް މިހާރު ސަރުކާރުން އަންނަނީ ނަފްސާނީ ދުޅަހެޔޮކަމަށް ހާއްސަ އިސްކަމެއް ދީގެން މަސައްކަތް ކުރަމުންނެވެ. އެގޮތުން ގުރައިދޫ މަރުކަޒުން ފަރުވާ ހޯދި ބަޔަކު މުޖުތަމައަށް ނެރެވިފައިވާ ކަމަށާއި، މެންޓަލް ހެލްތު ހެލްޕްލައިން މެދުވެރިކޮށްވެސް ގިނަ ބަޔަކަށް އެހީތެރިކަން ފޯރުކޮށްދެމުންދާ ކަމަށް ވަޒީރު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0