Read Time:1 Minute, 49 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ސަރުކާރުގެ އަމާޒަކީ 2028 ވަނަ އަހަރުގެ ކުރިން ކެންސަރު ބައްޔަށް ބޭނުންވާ އަސާސީ ފަރުވާއާއި ބަލި ދެނެގަނެވޭނެ ވަސީލަތްތައް ރާއްޖޭގައި ޤާއިމުކުރުމެވެ. މި މަޝްރޫޢުގެ ދަށުން ހުޅުމާލޭ ދެވަނަ ފިޔަވަހީގައި 500 އެނދުގެ މަލްޓިސްޕެޝަލިޓީ ހޮސްޕިޓަލެއް ބިނާކުރާއިރު، އޭގެ ތެރޭގައި ކެންސަރު ފަރުވާއަށް ޚާއްޞަ 25 އެނދުގެ ފެސިލިޓީއެއް ހިމެނޭނެއެވެ. މި ހޮސްޕިޓަލުން ރޭޑިއޯ ތެރަޕީ، ކީމޯ، އަދި ޕެޓް ސްކޭން ފަދަ މުހިންމު ޚިދުމަތްތައް ލިބިގެންދާނެއެވެ. ކެންސަރު ބަލީގެ ފަރުވާއަށް އާސަންދަ މެދުވެރިކޮށް ބޮޑު ޚަރަދެއް ކުރަންޖެހޭއިރު، ރާއްޖޭގެ އެކި ސަރަޙައްދުތަކުގައި ބަލި ދެނެގަތުމުގެ ވަސީލަތްތައް މިހާރުވެސް ދަނީ އިތުރުކުރަމުންނެވެ. މީގެ އިތުރުން، ރާއްޖޭގައި ކެންސަރު ފެތުރޭ މިންވަރާއި އޭގެ ސަބަބުތައް ދެނެގަތުމަށްޓަކައި މި ދައުރުގެ ތެރޭގައި ޚާއްޞަ ދިރާސާއެއް ކުރުމަށްވެސް ސަރުކާރުން ވަނީ ނިންމަވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0