Read Time:2 Minute, 8 Second
ފީފާ ވޯލްޑް ކަޕްގައި މިރޭ ސައޫދީ އަރަބިއާ އާއި ސްޕޭން ބައްދަލުކުރާ މެޗަކީ ދެ ގައުމުގެ ފުޓްބޯޅައިގެ ގާތް ގުޅުމުގެ ސަބަބުން ވަރަށް ޝައުގުވެރި މެޗެކެވެ. ފާއިތުވި ދިހަ އަހަރު ސައޫދީގެ ފުޓްބޯޅަ ކުރިއެރުވުމަށް ސްޕޭނުން ބޮޑު އެހީތެރިކަމެއް ދީފައިވާއިރު، ސްޕެނިޝް ސުޕަކަޕް ސައޫދީގައި ބޭއްވުމުން ސްޕޭނަށް ބޮޑު މާލީ ފައިދާއެއް ލިބެ އެވެ. މީގެ ބަދަލުގައި ސައޫދީއަށް ސްޕޭނުގެ ފަންނީ އަދި އިދާރީ އެހީތެރިކަން ލިބި، އެ ގައުމުގެ ލީގު ވަރުގަދަކުރުމުގައި ސްޕޭނުގެ ތަޖުރިބާކާރުން މުހިންމު ދައުރެއް އަދާކުރެ އެވެ.
މިރޭގެ މެޗާ ބެހޭގޮތުން ތަޖުރިބާކާރުން ބުނަނީ، މިއީ ސްޕޭނަށް ހީނުކުރާހާ ވަރުގަދަ ކުރިމަތިލުމަކަށް ވާނެ ކަމަށާއި، މިހާރުގެ ސައޫދީ ޓީމަކީ ކުރިއަށްވުރެ ފަންނީގޮތުންނާއި ތަޖުރިބާގެ ގޮތުން މާ ވަރުގަދަ ޓީމެއް ކަމަށެވެ. މުބާރާތުގެ ފުރަތަމަ މެޗުގައި ސައޫދީން އުރުގުއޭއާ އެއްވަރުކޮށްފައިވާއިރު، ސްޕޭން ވަނީ ކާބޯ ވާޑޭއާ އެއްވަރުވެ ފާޑުކިއުންތަކާ ކުރިމަތިލާން ޖެހިފަ އެވެ. އެހެންކަމުން، މިރޭގެ މެޗަކީ މުބާރާތުގެ ފެވަރިޓުންގެ ގޮތުގައި އޮތް ސްޕޭނަށް ޕްރެޝަރު ބޮޑު، މުހިންމު މެޗެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0