Read Time:1 Minute, 41 Second
ރައީސް ޑޮކްޓަރ މުޙައްމަދު މުޢިއްޒުގެ ހަރުދަނާ އިޤްތިޞާދީ ސިޔާސަތުތަކުގެ ސަބަބުން، ރާއްޖެ އިޤްތިޞާދީ ބޮޑު ކާރިސާއަކުން ސަލާމަތްވެފައިވާ ކަމަށް ކުރީގެ ފިނޭންސް މިނިސްޓަރ މޫސާ ޒަމީރު ވިދާޅުވެއްޖެއެވެ. ޒަމީރު ފާހަގަކުރެއްވި ގޮތުގައި، ދުނިޔޭގެ މާލީ ގޮންޖެހުންތަކާ އެކުވެސް ފިޗް ރޭޓިންގްސްއިން ރާއްޖެއަށް ‘ސީސީސީ ޕްލަސް’ ރޭޓިންއެއް ދީފައިވަނީ ސަރުކާރުން އަޅަމުންދާ ހަރުދަނާ ފިޔަވަޅުތަކަށް އޮތް އިތުބާރެއްގެ ބޮޑުކަމުންނެވެ. އަދި މިހާރުގެ ފިނޭންސް މިނިސްޓަރަކީ އެ މަޤާމަށް އެންމެ ޤާބިލު ބޭފުޅާކަން ފާހަގަކުރައްވައި، ކެބިނެޓަށް ބަދަލު އައި ނަމަވެސް ރައީސް މުޢިއްޒުގެ ފިކުރާއެކު ސާބިތުވެ ހުންނަވާނެ ކަމުގެ ޔަޤީންކަން އޭނާ ދެއްވިއެވެ. ރައީސް އެޅުއްވި ހަރުދަނާ ފިޔަވަޅުތަކުގެ ސަބަބުން ރާއްޖެ ބަނގުރޫޓުވުމުގެ ބިރު މިއަދު ނެތްކަންވެސް ޒަމީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0