Read Time:1 Minute, 49 Second
އިމިގްރޭޝަނުގެ ކުރީގެ ކޮންޓްރޯލަރ މުޙައްމަދު ޝަމްއާން ވަހީދުގެ މައްޗަށް ފޭރުމުގައި ބައިވެރިވުމާއި، މަނީ ލޯންޑްރިންގ އަދި ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށް ސާބިތުވެ، 25 އަހަރަށް ޖަލަށްލުމަށާއި 5 ލައްކަ ރުފިޔާއިން ޖޫރިމަނާކުރުމަށް ކްރިމިނަލް ކޯޓުން އިއްޔެ ޙުކުމްކޮށްފިއެވެ. މި މައްސަލާގައި އޭނާގެ މައްޗަށް އެންމެ ބޮޑު އަދަބެއް ކަނޑައެޅީ މަނީ ލޯންޑްރިންގގެ ކުށަށް އިއްވި 15 އަހަރުގެ ޖަލު ހުކުމެވެ. މީގެއިތުރުން، ބިދޭސީއެއްގެ އަތުން ފޭރުނު 5 ލައްކަ ރުފިޔާ އަނބުރާ ދެއްކުމަށާއި، އޭނާގެ ގެއިން ފެނުނު ފައިސާގެ ތެރެއިން ބައެއް ދައުލަތަށް ނެގުމަށްވެސް ކޯޓުން ވަނީ އަމުރުކޮށްފައެވެ. ގާޒީ އިބްރާހިމް އިހުސާން ވިދާޅުވީ، ޝަމްއާން އިމިގްރޭޝަންގެ އެންމެ މަތީ ވެރިޔާގެ ގޮތުގައި ހުރެ އަމިއްލަ ފައިދާއަށް މަސައްކަތްކުރުމުން އެ މުއައްސަސާގެ އަގު ވެއްޓިފައިވާތީ، އޭނާއަށް އެންމެ ބޮޑު އަދަބު ދިނުމަށް ނިންމެވީ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0