Read Time:2 Minute, 14 Second
(ފޮޓޯ ކްރެޑިޓްސް: ވިޒިޓް މޯލްޑިވްސް)
ފާއިތުވި 2025 ވަނަ އަހަރަކީ ވިޒިޓް މޯލްޑިވްސް ކޯޕަރޭޝަނަށް މާލީ ގޮތުންނާއި ފަތުރުވެރިކަމުގެ ގޮތުން ބޮޑެތި ކުރިއެރުންތަކެއް ލިބުނު އަހަރެކެވެ. އެގޮތުން، ކުންފުންޏަށް އާމްދަނީގެ ގޮތުގައި 32.54 މިލިޔަން ރުފިޔާ ލިބިފައިވާއިރު، މިއީ ފާއިތުވި އަށް އަހަރުގެ ތެރޭގައި ލިބުނު އެންމެ ބޮޑު އާމްދަނީއެވެ. ރާއްޖެއަށް 2 މިލިޔަނަށްވުރެ ގިނަ ފަތުރުވެރިން ޒިޔާރަތްކޮށް، ފަތުރުވެރިކަމުން ލިބުނު އާމްދަނީ 5.57 ބިލިޔަން ޑޮލަރަށް އަރައި، ކުރީ އަހަރާ އަޅާބަލާއިރު 16.4 އިންސައްތައިގެ ކުރިއެރުމެއް ވަނީ ހޯދާފައެވެ.
މި ކާމިޔާބީތައް ހާސިލްކުރެވުނީ ބައިނަލްއަގުވާމީ މާކެޓިންގ ހަރަކާތްތަކާއި، ޕާޓްނާޝިޕްތަކުގެ އިތުރުން ޑިޖިޓަލް ވަސީލަތްތައް މެދުވެރިކޮށް ރާއްޖެ އިޝްތިހާރުކުރުމަށް ކުރެވުނު މަސައްކަތުންނެވެ. އަދި ވޯލްޑް ޓްރެވަލް އެވޯޑްސްގައި ރާއްޖެއިން ވަނީ ވިދިވިދިގެން ހަވަނަ ފަހަރަށް ދުނިޔޭގެ އެންމެ މަގުބޫލު މަންޒިލްގެ ލަގަބު ހޯދާފައެވެ. މީގެ އިތުރުން، މިދިޔަ އަހަރު ކުންފުނީގެ ނަން “ވިޒިޓް މޯލްޑިވްސް ކޯޕަރޭޝަން” އަށް ބަދަލުކޮށް، ހިންގުން ހަރުދަނާކުރުމަށް ގިނަ ފިޔަވަޅުތަކެއް ވަނީ އަޅާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0