Read Time:2 Minute, 5 Second
(ފޮޓޯ ކްރެޑިޓްސް: މަސްވެރިކަމާއިބެހޭ ވުޒާރާ)
މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙްމަދު ޝިޔާމް ވިދާޅުވީ، ރާއްޖޭގެ އިޤްތިޞާދުގެ މައިނާރެހަކީ ކަނޑުތައް ކަމަށްވީނަމަވެސް، މޫސުމަށް އަންނަ ބަދަލުތަކުގެ ސަބަބުން ކަނޑުމަހުގެ މަސްވެރިކަމަށް ބޮޑެތި ގޮންޖެހުންތަކެއް ކުރިމަތިވަމުންދާ ކަމަށެވެ. އެހެންކަމުން، އިޤްތިޞާދު ފުޅާކުރުމަށްޓަކައި ކަނޑުގެ އަޑީގެ ވަސީލަތްތައް ދިރާސާކޮށް، އައު އީޖާދުތަކުގެ އެހީގައި ކަނޑުގެ ނަފާ އިތުރުކުރަންޖެހޭ ކަމަށް އެމަނިކުފާނު ފާހަގަކުރެއްވިއެވެ. މިގޮތުން ސަރުކާރުގެ އަމާޒަކީ އެކުއަކަލްޗަރ ފުޅާކޮށް، ބާނާ މަހަށް އަގުއެއްކުރުން ކަމަށާއި، މިހާރުވެސް ސީވީޑް އެކުއަކަލްޗަރ ފަދަ އައު ސިނާޢަތްތައް ތަޢާރުފުކޮށް ބައިނަލްއަޤްވާމީ އެހީތެރިކަމާއެކު އިތުރު މަޝްރޫޢުތައް ކުރިއަށްދާކަން ވަޒީރު ބަޔާންކުރެއްވިއެވެ. ކަނޑުތަކުގެ ދިރުންތައް ރައްކާތެރިކޮށް، ސައިންޓިފިކް ދިރާސާތަކުގެ އަލީގައި ދެމެހެއްޓެނެވި ގޮތެއްގައި ކަނޑުގެ ބޭނުން ހިފުމުގައި ދިވެހިން އިސްދައުރެއް އަދާކުރުމަކީ ސަރުކާރުގެ މުހިއްމު ސިޔާސަތެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0