Read Time:1 Minute, 58 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރާއްޖޭގެ ސިއްޙީ ދާއިރާ ކުރިއަރާފައިވާ މިންވަރަށް ބޭސް ފޯރުކޮށްދިނުމުގެ ނިޒާމު ނުވަތަ ސަޕްލައިޗެއިން ތަރައްޤީވެފައި ނެތުމަކީ ބޭސް ލިބުމަށް ދިމާވާ އެންމެ ބޮޑު ގޮންޖެހުން ކަމަށް ދައުލަތުގެ ބޭސް ކުންފުނީގެ މެނޭޖިންގ ޑިރެކްޓަރ ޑރ. ޝާހް މާހިރު ވިދާޅުވެއްޖެއެވެ. ބޭސް އެތެރެކުރުމާއި، ރައްކާތެރިކަމާއެކު ގުދަންކުރުމާއި، އިދާރާތަކުގެ މެދުގައި ބޭހުގެ މަޢުލޫމާތު އެއްހަމަކުރުމުގައި ހުރި މައްސަލަތައް ހައްލުކުރުމަށް އެ ކުންފުނިން ދަނީ މަސައްކަތް ކުރަމުންނެވެ. މިގޮތުން އެޕްރީލް މަހުން ފެށިގެން 1000 އަށްވުރެ ގިނަ ބޭސް ސިޓީއަށް ބޭސް ފޯރުކޮށްދީފައިވާއިރު، އަމާޒަކީ ރާއްޖޭގައި ބޭނުންކުރާ ހުރިހާ ބޭހެއް މެދުނުކެނޑި ލިބޭނެހެން ސްޓޮކް ބެލެހެއްޓުމެވެ. އަދި އަމިއްލަ ފަރާތްތަކާ ގުޅިގެން ބޭހުގެ އަގުތައް ހިފެހެއްޓުމަށް މަސައްކަތް ކުރަމުންދާ ކަމަށާއި، ކުރިއަށް އޮތް 6 މަސްދުވަހުގެ ތެރޭގައި މި މަސައްކަތްތަކުގެ ހެޔޮ ބަދަލު ރައްޔިތުންނަށް ފެންނާނެ ކަމަށް ޑރ. ޝާހް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0