Read Time:1 Minute, 57 Second
(ފޮޓޯ ކްރެޑީޓްސް: މަސްވެރިކަމާއިބެހޭ ވުޒާރާ)
ތުރުކީވިލާތުގައި ކުރިއަށްދާ “ޒީރޯ ވޭސްޓް ފޯރަމް” ގެ ހަވާސާގައި، ރާއްޖޭގެ މަސްވެރިކަމާއި ދަނޑުވެރިކަމާ ބެހޭ ވަޒީރު އަހުމަދު ޝިޔާމް، ތުރުކީގެ އެގްރިކަލްޗަރ މިނިސްޓަރާ ބައްދަލުކުރައްވައި ދެ ގައުމުގެ ދެމެދުގައިވާ ވިޔަފާރީގެ އެއްބަސްވުންތަކާ ގުޅޭގޮތުން މަޝްވަރާކުރައްވައިފިއެވެ. މި ބައްދަލުވުމުގައި މައިގަނޑު ގޮތެއްގައި އަލިއަޅުވާލާފައިވަނީ ވަކި ބާވަތްތަކަކުން ޑިއުޓީ ކަނޑާލުމަށް ސޮއިކޮށްފައިވާ “ޕްރިފަރެންޝިއަލް ޓްރޭޑް އެގްރިމެންޓް” (ޕީޓީއޭ) ގެ ދަށުން މަސްވެރިކަމާއި ދަނޑުވެރިކަމުގެ އުފެއްދުންތައް ބޭރުކުރުން އަވަސްކުރުމަށާއި، ކާބޯތަކެތީގެ ރައްކާތެރިކަން ކަށަވަރުކުރުމަށް ދެ ގައުމުގެ ގުޅުން އިތުރަށް ބަދަހިކުރުމަށެވެ. މީގެ އިތުރުން ތުރުކީ ސަރުކާރުން ރާއްޖެއަށް ދޭ އެހީތެރިކަމަށް ވަޒީރު ޝުކުރު އަދާކުރައްވައި، މި އެއްބަސްވުންތަކުގެ ފައިދާ ދެ ގައުމަށް ޢަމަލީގޮތުން ލިބޭނެ މަގު ފަހިކުރުމުގެ މުހިންމުކަން ދެ ބޭފުޅުންވެސް ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0