Read Time:2 Minute, 3 Second
(ފޮޓޯ ކްރެޑިޓްސް: ރައީސް އޮފީސް)
ދުނިޔޭގެ ތިމާވެށީގެ ދުވަހުގެ މުނާސަބަތުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ފޮނުއްވި ހިތޯބެއްގައި، ތިމާވެށި ހިމާޔަތްކުރުމަށްޓަކައި ގްރީން ފަންޑުން އަހަރަކު ހަތް މިލިއަން ރުފިޔާ ހަރަދުކުރަން ނިންމަވާފައިވާކަން ވަނީ އިއުލާނުކުރައްވާފައެވެ. މިއީ ތިމާވެށީގެ ދާއިރާއަށް ކަނޑައަޅާ އާންމު ބަޖެޓުގެ އިތުރުން ކުރެވޭ ހަރަދެއް ކަމަށާއި، މި ފައިސާ ހަރަދުކުރާނީ ހިމާޔަތްކޮށްފައިވާ ސަރަހައްދުތަކާއި ދިރުންތައް ބެލެހެއްޓުމަށާއި، ތިމާވެށީގެ ދިރާސާތައް ކުރުމަށާއި، މަދަނީ ޖަމިއްޔާތަކާއި ސްކޫލްތަކުގެ ތިމާވެށި ކްލަބުތަކާ ގުޅިގެން ހިންގާ ހަރަކާތްތަކަށް ކަމަށް ރައީސް ވިދާޅުވިއެވެ. މޫސުމަށް އަންނަ ބަދަލުތަކުން ލިބޭ ގެއްލުންތައް ކުޑަކޮށް، ދެމެހެއްޓެނިވި ތަރައްގީއަށް މަސައްކަތް ކުރުމަކީ މުހިއްމު ކަމެއްކަން ފާހަގަކުރައްވަމުން، މި ނިންމުމުގެ ސަބަބުން ތިމާވެށި ރައްކާތެރިކުރުމުގެ މަސައްކަތްތައް އިތުރަށް ހަރުދަނާވެ، އަންނާން އޮތް ޖީލުތަކަށް އޭގެ ފައިދާ ކުރާނެ ކަމަށް ރައީސް އުންމީދު ކުރައްވައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0