Read Time:2 Minute, 2 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ޤައުމީ އެއަރލައިން، މޯލްޑިވިއަންގެ ޚިދުމަތް ފުޅާކުރުމަށްޓަކައި ދެވަނަ ވައިޑް-ބޮޑީ މަތިންދާބޯޓު މިއަހަރުގެ ފަހުކޮޅު ގެނައުމަށް މަސައްކަތް ކުރަމުންދާކަމަށް އައިލެންޑް އޭވިއޭޝަންގެ މެނޭޖިންގ ޑިރެކްޓަރ އިބްރާހިމް އިޔާސް ވިދާޅުވެއްޖެއެވެ. ބައިނަލްއަޤްވާމީ މާކެޓުގައި ބޯޓުތަކަށް އޮތް ޑިމާންޑް ބޮޑުވުމުގެ ސަބަބުން ބޯޓު ހޯދުމުގައި ގޮންޖެހުންތަކެއް ކުރިމަތިވި ނަމަވެސް، އެއަރބަސް ކުންފުންޏާއެކު ކުރެވުނު މަސައްކަތުން މިހާރު ވަނީ އުންމީދީ ކުރިއެރުންތަކެއް ލިބިފައެވެ. ދެވަނަ ބޯޓު ގެނައުމާއެކު ރަޝިޔާ އަދި ސައުތު ކޮރެއާ ފަދަ އާ މަންޒިލްތަކަށް ދަތުރުތައް ފެށުމަށް ވަނީ ރޭވިފައެވެ. މިއީ ރައީސުލްޖުމްހޫރިއްޔާގެ ވަޢުދުފުޅާ އެއްގޮތަށް، ރާއްޖޭގެ ފަތުރުވެރިކަން ކުރިއެރުވުމަށާއި ބައިނަލްއަޤްވާމީ ދަތުރުތައް އިތުރުކުރުމަށް ކުރެވޭ މުހިންމު މަސައްކަތެކެވެ. އޭ330-200 މަރުކާގެ ފުރަތަމަ ބޯޓުން މިހާރުވެސް ޗައިނާ، އިންޑިއާ އަދި އޮސްޓްރޭލިއާ ފަދަ ޤައުމުތަކަށް ކާމިޔާބު ދަތުރުތަކެއް ދަނީ ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0