Read Time:1 Minute, 58 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މާލީ ވުޒާރާގެ ތަފާސްހިސާބުތަކުން ދައްކާގޮތުގައި މިއަހަރުގެ މެއި 14 އާ ހަމައަށް ސަބްސިޑީއާއި އެހީގެ ގޮތުގައި 5.2 ބިލިޔަން ރުފިޔާ ވަނީ ހޭދަކޮށްފައެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު 1.7 ބިލިޔަން ރުފިޔާ ނުވަތަ 48 އިންސައްތައިގެ އިތުރުވުމެކެވެ. މިގޮތުން އެންމެ ބޮޑު ހޭދައެއް ކޮށްފައިވަނީ ސަބްސިޑީއަށް ކަމަށްވާއިރު، ތެލުގެ އަގު އުފުލުމުގެ ސަބަބުން ކަރަންޓު ސަބްސިޑީއަށް ކުރި ޚަރަދު ވަނީ 2.2 ބިލިޔަން ރުފިޔާއަށް އަރާފައެވެ. މީގެ އިތުރުން ކައުންސިލްތަކަށް ދޭ ބްލޮކް ގްރާންޓަށް ބިލިޔަނަކަށްވުރެ ގިނަ ރުފިޔާ ހޭދަކޮށްފައިވެއެވެ. ނަމަވެސް އާސަންދަ އަދި ވެލްފެއަރ އަށް ކުރި ޚަރަދުތައް މިދިޔަ އަހަރާ އެއްވަރެއްގައި ހިފެހެއްޓިފައިވާކަން ފާހަގަކުރެވެއެވެ. ސަރުކާރުން ބުނާގޮތުގައި މި ސަބްސިޑީތަކުގެ ސަބަބުން ބައިނަލްއަޤްވާމީ ބާޒާރުގައި ތަކެތީގެ އަގު އުފުލުނު ނަމަވެސް، ރާއްޖޭގައި އަސާސީ ޚިދުމަތްތަކުގެ އަގު އެއްވަރެއްގައި ހިފެހެއްޓިފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0