Read Time:2 Minute, 44 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ނޭވާހިއްލުމުގެ ބައްޔާ ބެހޭގޮތުން ހޭލުންތެރިކަން އިތުރުކުރުމަށް އައިޖީއެމްއެޗްގައި ބޭއްވި ސިމްޕޯޒިއަމް އިފްތިތާޙްކޮށްދެއްވަމުން، ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވަނީ ރާއްޖޭގެ ސިއްޙީ ނިޒާމު ދުޅަހެޔޮ ސިއްޙަތެއް ކަށަވަރުކުރުމަށް އަމާޒުކުރުމަށް ގޮވާލައްވާފައެވެ. އެކަމަނާގެ ވާހަކަފުޅުގައި ތިމާވެށި ތަޣައްޔަރުވުމަކީ ނޭވާލާ ނިޒާމުގެ ބަލިތަކަށް މަގުފަހިވާ ސަބަބެއްކަން ފާހަގަކުރައްވައި، އިންހޭލާ ބޭނުންކުރުމާ މެދު މުޖުތަމަޢު ދެކޭގޮތް ބަދަލުކޮށް ބަލިމީހުންނަށް އޯގާތެރިވުމަށް އިލްތިމާސްކުރެއްވިއެވެ.
މި ސިމްޕޯޒިއަމްގައި ސިއްޙީ މާހިރުން ފާހަގަކުރެއްވި ގޮތުގައި، ރާއްޖޭގައި ނޭވާހިއްލުމުގެ ފަރުވާ ދިނުމުގައި ބޭހާއި ވަޞީލަތްތައް ލިބުމުގެ ގޮންޖެހުންތައް އެބަހުއްޓެވެ. މީގެ އިތުރުން، އިންހޭލާ ބޭނުންކުރުމަށް މީހުން ޖެހިލުންވުމާއި، ބޭނުންކުރަންޖެހޭ ރަނގަޅު ގޮތް ނޭނގުމަކީ ބަލި ކޮންޓްރޯލްކުރުމަށް އޮތް ހުރަހެކެވެ. އެހެންކަމުން، ބަލިމީހުން އެޑްމިޓްކުރަންޖެހޭ މިންވަރު މަދުކުރުމަށްޓަކައި ހޭލުންތެރިކަން އިތުރުކުރުމާއި، ބައިނަލްއަޤުވާމީ މިންގަނޑުތަކާ އެއްގޮތަށް ފަރުވާގެ ނިޒާމު ހަރުދަނާކުރުން މުހިއްމުކަން ވަނީ ފާހަގަކޮށްފައެވެ. މިއަހަރުގެ ނޭވާހިއްލުމުގެ ދުވަހުގެ ޝިއާރު އަމާޒުކޮށްފައިވަނީވެސް އެންމެނަށް ބޭނުންވާ ފަރުވާ ފަސޭހައިން ލިބޭނެ މަގު ފަހިކޮށްދިނުމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0