Read Time:2 Minute, 14 Second
(ފޮޓޯ ކްރެޑިޓްސް: ރައީސް އޮފީސް)
މި ޖޫން މަހުގެ ތެރޭގައި ދިވެހި ހެމަޓޮލޮޖިސްޓެއްގެ ބެލުމުގެ ދަށުން ތެލަސީމިއާ ސެންޓަރުގައި ޚިދުމަތް ދޭން ފަށާނެ ކަމަށް މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހިމް އަބްދުއްރައްޒާޤް ހަލީމް ވިދާޅުވެއްޖެއެވެ. ތެލަސީމިއާ ކުދިންނަށް ދޭ ޚިދުމަތްތައް ހަރުދަނާކުރުމަށް ސަރުކާރުން ކުރަމުންދާ މަސައްކަތްތަކުގެ ތެރެއިން، ކުރިއަށް އޮތް 10 ވަރަކަށް ދުވަހުގެ ތެރޭގައި ކުޑަކުދިންގެ ބަލިތަކާއި އެތެރެހަށީގެ ބަލިތަކުގެ އޮންކޯލް ޚިދުމަތް ފެށުމަށް ވަނީ ހަމަޖެހިފައެވެ.
މީގެ އިތުރުން، ލޭގެ ރައްކާތެރިކަން ކަށަވަރުކުރުމަށް ހަދާ “ނެޓް” ޓެސްޓިންގެ ޚިދުމަތް ޖުލައި މަހު ފެށުމަށާއި، ލިވަރ ފައިބްރޯސިސް ސްކޭންގެ ޚިދުމަތް މިއަހަރު ތެރޭގައި ތައާރަފްކުރުމަށް ވަނީ ރޭވިފައެވެ. އަދި ތެލަސީމިއާ ކޮންޓްރޯލް ކުރުމަށް ހޭލުންތެރިކަން އިތުރުކުރުމުގެ ނިޒާމަކާއި، ލޭ ހަދިޔާކުރާ ފަރާތްތަކުގެ ޑިޖިޓަލް ދަފްތަރެއް މިއަހަރު ތައާރަފްކުރާނެ ކަމަށްވެސް ސީއީއޯ ވިދާޅުވިއެވެ. މިއީ ތެލަސީމިއާ ސެންޓަރުގެ ޚިދުމަތްތައް ފުޅާކޮށް، ބައިނަލްއަޤްވާމީ މިންގަނޑުތަކަށް ފެއްތުމަށް ކުރެވޭ މުހިންމު މަސައްކަތްތަކެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0