Read Time:2 Minute, 31 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މަޖިލިސް މެންބަރުންގެ ގޮނޑި ގެއްލޭ ގޮތަށް ގާނޫނުއަސާސީއަށް ގެނައި އިސްލާހު ސުޕްރީމް ކޯޓުން ދަމަހައްޓާފައިވާއިރު، މިއީ އިންތިޚާބުތަކުގައި ރައްޔިތުން ވޯޓުދެނީ ވަކި ފަރުދަކަށްތޯ ނުވަތަ ޕާޓީ ފިކުރަށްތޯ ކުރެވޭ ބަހުސް އަލުން ހުޅުވިގެންދިޔަ ކަމެކެވެ. ރާއްޖޭގެ އިންތިޚާބީ ތާރީޚަށް ބަލާއިރު، ލޯކަލް ކައުންސިލް އިންތިޚާބުތަކުގައި އާއިލީ ގުޅުންތަކާއި މީހާގެ އަމިއްލަ ސިފަތަކަށް ބަލައި ވޯޓުދިން ނަމަވެސް، ރިޔާސީ އިންތިޚާބާއި މަޖިލިސް އިންތިޚާބުގައި ބޮޑަށް ބަލަނީ ސިޔާސީ ފިކުރަށާއި ޕާޓީތަކުގެ ސިޔާސަތުތަކަށެވެ. ޚާއްޞަކޮށް، މަޖިލިސް އިންތިޚާބުގައި ގިނަ ރައްޔިތުން ވޯޓުދެނީ ދާއިރާގެ ތަރައްގީއަށްޓަކައި ސަރުކާރު ހިންގާ ޕާޓީގެ ފިކުރަށް ކަމަށް ފާހަގަކުރެވެއެވެ.
މެންބަރުން އިންތިޚާބުވުމަށްފަހު ޕާޓީ ބަދަލުކުރުމަކީ ރައްޔިތުންގެ ނިންމުމާ ޚިލާފުވުން ކަމަށް ސުޕްރީމް ކޯޓުގެ ރައުޔުގައިވެސް ބާލާފައިވެއެވެ. އެހެންކަމުން، ގާނޫނުއަސާސީއަށް ގެނައި މި އިސްލާހަކީ ރައްޔިތުންގެ ވޯޓުގެ އަގު ހިފެހެއްޓުމަށް އެޅުނު މުހިންމު ފިޔަވަޅެކެވެ. މެންބަރަކު ޕާޓީ ބަދަލުކޮށްގެން ގޮނޑި ގެއްލުނު ނަމަވެސް، ރައްޔިތުން އަދިވެސް އެ މެންބަރަކަށް ތާއީދުކުރާނަމަ ބައި-އިލެކްޝަނެއްގެ ތެރެއިން އަލުން އިންތިޚާބުވުމުގެ ފުރުސަތު އޮންނާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0